PAMMUJI 71:18 - KITTA' MATANGKASA'

¹⁸ O, Allata'ala, tea' laloKi' bokoia', sa'gengku toa siagang kebo' uukku, sollanna kukabarrang koasaTa siagang kaporeanTa mae ri sikontu turungang labattua.

PAMMUJI 71:18 Referans Kwoze

YESAYA 46:4

INakke tuli Allata'alanu sa'gennu toa; siagang tuli anjagaiko sa'genna kebo' uu'nu. INakke ampa'jariko siagang tuli amparakaiko, laKutulungko siagang laKupasalamakko.

PAMMUJI 71:9

TeaKi' pelakkia' ri wattu toakumo teaKi' bokoia' punna tenamo kagassingangku,

PAMMUJI 78:4

Taerokai ikambe anrahasiakangi mae ri ana'-ana'na ikambe; eroki ikambe angkabarrangi mae ri ana'-ana' ri bokoa ri passala' koasaNa Batara siagang bate pare' malompoNa, sikamma gau'-gau' appakalannasa'Na.

PAMMUJI 78:6

sollanna naasseng ana' ri bokoa, nampa napatulusu' pole mae ri ana'-ana'na ke'nanga.

PAMMUJI 22:31

Sikamma turungang ri bokoa lanynyombai ri Batara, lanibirittakangi sa'genna sikamma turungang ri bokoa.

YESAYA 51:9

Ammenteng maKi' o Batara, Kitulung laloi ikambe, pasalamaki ikambe lanri koasaTa. Ammenteng maKi' sangkamma ri jammang riolo ri wattunna Kilissarrang Rahab siagang Kicoka naga tamparanga sa'genna mate.

1 SAMUEL 4:18

Napabattuna anjo taua kabara'na anjo Patti Parjanjianga, tu'guru'mi Eli battu ri kaderana ri ba'leanna pakke'bu' lompoa. Lanri toa dudunamo siagang lanri co'mo'na, sa'genna tepo'mo kallonna ri wattunna tu'guru', na matemo. Patampulo taungi sallona napimping tu Israel.

LAMPA-LAMPANA 13:36

Matemi Daud ri le'ba'namo nagaukang apa-apa Napassuroanga Allata'ala ri ia. Le'ba'mi nitarawang siagang boe-boena. Anjo maya'na Daud ancuru' tommi a'jari butta ngaseng.

YESAYA 53:1

Appiali anjo bansaya nakana, “Inai tappa' ri apa le'baka nalangngere' ikambe? Inai le'ba' nipa'nyatang koasaNa Batara?

1 SAMUEL 4:15

Na anjo Eli salapangpulomi assagantuju taung umuru'na, siagang a'birimmi buta.

KALAPPASSANG 13:8

Ri pakaramulanna anjo passua'-suarranga musti nucaritai mae ri ana'nu bura'nea angkanaya nanugaukang ngaseng anjo sikammaya lanri sikamma apa le'baka Nagaukang Batara untu' ikau ngaseng ri wattunna nubokoi pa'rasangang Mesir.

PA'JARIANG 27:1

Ri se'reang allo, ri wattu toanamo Ishak siagang buta tommi pole, nakio'mi Esau, ana'na toaya, nampa nakana ri ia, “Ana'!” Appialimi Esau angkana, “Iye', bapa'.”

PAMMUJI 48:14

Parhatikangi tembo'na, paressai tembo' pattahanganna, sollanna akkulle nucarita mae ri turungannu: