PAMMUJI 71:13 - KITTA' MATANGKASA'

¹³ Boli'mi kamma nipakasiri' siagang nipa'lanynya' tau ambakkaia'. Boli'mi kamma a'jari lingu siagang a'jari hina tau eroka ancilakaia'.

PAMMUJI 71:13 Referans Kwoze

YEREMIA 20:11

Mingka iKatte, o Batara, niakKi' angngentenganga'; iKatte tamaka gassinTa na Kikassa'. Anjo ke'nanga angngondangia' siagang anjallakkangia' latu'guruki natena pakkullena. Lasiri'-siriki ke'nanga satunggu-tungguna, salasai sikontu rancanana ke'nanga. Anjo tunana ke'nanga latuli niu'rangi.

PAMMUJI 35:26

Boli'mi kamma tau sannanga anciniki pa'risikku a'jari lingu siagang a'jari siri'-siri'. Boli'mi kamma tau napattampoanga kalenna mae ri nakke nihina siagang nipakasiri'.

PAMMUJI 71:24

Sila'busu' alloi lakukabarrang kaadelanTa, saba' sikamma tau eroka ancilakaia' le'ba'mi nibeta siagang nipakasiri'.

PAMMUJI 109:29

Boli'mi kamma tau antudua' nikalimbuki ri kahinaang, siagang siri'-siri' angkalimbuki ke'nanga sanrapang juba.

PAMMUJI 35:4

Boli'mi kamma tau eroka ambunoa' nibeta na nipakasiri'. Boli'mi kamma tau assikongkoloka ambalianga' ammunduru' siagang lingu.

1 PETRUS 5:5

Kammayatompa ikau sikamma tau rungkaya. Mappilangngeriko mae ri tau toaya. Musti nupakatunai kalennu; siagang musti silayaniko siagang tuna pa'mai'nu. Nasaba' nia' tattulisi' lalang ri Kittaka angkanaya, “Nabaliangi Allata'ala tau tampoa, mingka Nakamaseangi tau tunaya pa'mai'na.”

YESAYA 41:11

Ciniki, sikontu tau larroa mae ri kau, lanibetai nammakkala' kacci. Tau angngewayako, lapanraki nala'busu' nibarrasa'.

PAMMUJI 132:18

Tuli lasalewangangi kakaraenganna, mingka musu-musunna lanipakasiriki.”

PAMMUJI 6:10

Napilangngeri Batara pappalakku na natarima sambayangku.

ESTER 9:2

Ri sikamma kotaya, asse're ngasemmi tu Yahudia untu' ambunduki sikamma tau eroka a'gau' ja'dala' mae ri ke'nanga. Kemae-kemae sikontu bansaya a'jari malla' ngasemmi ri ke'nanga, sa'genna manna sitau tania' barani andallekangi ke'nanga.

PAMMUJI 70:3

Boli'mi kamma anjo tau eroka ambunoa' nibetai nalari napakamma lingu. Boli'mi kamma anjo tau anggoraia' ri kacilakangku nitunrung ammunduru' siagang nihina.