PAMMUJI 7:9 - KITTA' MATANGKASA'

⁹ IKatte angngadeli umma' rupataua; Kisarea' kaadelang, o Batara, saba' tena kusala.

PAMMUJI 7:9 Referans Kwoze

YEREMIA 11:20

Nampa appala' doamma' angkana, “O Batara Kaminang Koasaya, iKattemi haking adeleka; iKatte angngassengi pikkiranna siagang atinna taua. Anne parkaraku kubuangi mae ri Katte. Poro akkulle laloi kucini' angkanaya iKatte ambalasaki panggaukanna sikamma anjo taua.”

YEREMIA 17:10

INakke, Batara, ansalidiki atia, Kuso'ri pa'mai'na rupataua. Tunggala' taua laKubalasaki situru' panggaukanna siagang Kugauki situru' panggaukanna.”

YEREMIA 20:12

Mingka, o Batara Kaminang Koasaya, Kiso'ri rupataua siagang adele'; Kiassengi atinna siagang pikkiranna ke'nanga. Lanri kammana Kisare laloa' pangngellai ancinikKi' ambalasaki kaja'dallanna musua nasaba' kubuammi mae ri Katte parkaraku.

1 PATTOTTORANG 28:9

Nampa nakana Daud mae ri Salomo, “Anakku, parallui nuakui Allata'ala nasombaya manggenu, salaku Allata'alanu. Musti anynyombako mae ri Ia situlusu'na atinnu. Nasaba' Naasseng ngasengi sikontu pikkiranta siagang apa nakaerokia atinta. Punna nuboyai, lanubuntuluki, mingka punna nubokoi, laNasorongbokoko sa'genna satunggu-tungguna.

1 SAMUEL 16:7

Mingka Nakana Batara ri Samuel, “Teako lanri ga'gana tanja'na siagang tinggina pakkaleanna nupacciniki. Teai anjo Kukaerokia. Tena Kusangkamma rupataua angnganggara'. Rupataua accini' tanjaki, mingka iNakke atinna Kuciniki.”

PAPPICINI' 2:23

Sikamma ana' gurunna laKubuno ngaseng tongi, sollanna nasadari ngaseng jama'aka angkanaya iNakkemi anne angngasseng ngasengi pikkiranna siagang nawa-nawanna rupataua. LaKubalasa' ngasengko situru' massing-massing panggaukannu.

PAMMUJI 139:1

Untu' pamimping pakelong. Pammuji battu ri Daud. O, Batara, iKatte antarrusia' siagang angngassenga'.

PAMMUJI 44:21

Ebara' angkana tenamo nanynyomba ikambe ri Allata'ala, passangalinna appala' doammi ri allata'ala maraeng,

PAMMUJI 37:23

Narenrengi Batara taua ri oloang mustia naolo, Napakajarreki tau Napangngellaia ri tallasa'na.

PAMMUJI 26:2

Kiparessama', o, Batara, siagang Kiso'rima', paressami kaerokangku siagang nawa-nawangku.

PAMMUJI 11:5

Naso'ri Batara tu bajika siagang tu ja'dalaka, Nakabirisi tu nangaia katerassanga.

PAMMUJI 10:15

Kitepoki kakoasanna tu ja'dalaka siagang tu dorakaya; hukkungi ke'nanga lanri panggaukanna sa'genna jarra ke'nanga.

ROMA 16:25

Nipujimi Allata'ala! Makoasai anjarreki tappa'nu, situru' Kabara' Baji' battua ri Allata'ala, iamintu ri passala'na Isa Almasi, le'baka kubirittakang. Kubirittakangi anjo passalaka situru' apa Napa'nyataya Allata'ala; iamintu ri sesena rancanaNa Allata'ala, a'bilangngang taungamo tanaassenga taua.

PAMMUJI 17:3

Punna Kiso'ri pa'maikku na Kibattu amparessa' ri wattu bangngi, laKiassemmi ati maci'nongku, kana-kanangku situruki nawa-nawangku.

LAMPA-LAMPANA 12:23

Mingka anjo wattua battumi malaeka'Na Batara antempaka'rangi Herodes, lanri tenana nahargai Allata'ala. Nikanremi Herodes ri gallang-gallang nampa mate.

PAMMUJI 58:6

tenaya nalangngereki sa'ranna tumangngajara' cara'de'na, yareka sa'ranna sanro cara'deka.

PAMMUJI 10:18

Ana' kukanga siagang tu nijallakkanga Kipattojengi parkarana, sollanna tenamo tau ampakamallaki ke'nanga.

DANIEL 11:45

Ba'lalo lanatannangi kema kakaraenganNa ri alla'na tamparanga siagang bulu' tampa' pammantanganna Balla'Na Batara. Mingka kale'bakkanna lamatei siagang tena manna sitau lantulungi.”

PAMMUJI 40:2

Sa'barakka' antayangi bantuanNa Batara; nampa Naparhatikanga' siagang Napilangngeri pakkiokku.

1 SAMUEL 2:9

Tutamamminraya tuli amangi lalang ri la'lanNa Batara. Mingka tuja'dalaka jappo' ancuruki lalang ri sassang makappuka. Kagassingang kale takkulle nipattoang, kagassingang rupatau takkulle angngerang pammetang.

YUDAS 1:1

Sikamma sari'battangku, ia le'baka nikio' siagang sannaka nikamaseanna ri Allata'ala Manggea, kammayatompa nikatutuia untu' Isa Almasi. Battu ri nakke, atanNa Isa Almasi, iamintu Yudas, sari'battanna Yakobus;

1 PETRUS 5:10

Mingka punna le'ba' mako sessa sinampe', KalenNa Allata'ala lampa'jari sukkukko. LaNapaentengko, siagang laNasareko kagassingang kammayatompa laNapakajarrekko. Nasaba' Iami Allata'ala sannaka baji'na pa'mai'Na; Iami le'baka angkiokko untu' angkasia' tongi kala'birang mannannunganga tete ri Almasi.

1 TESALONIKA 3:13

Lanri kammana, akkullemi Napakajarre' Batara pa'mai'nu, sa'gennu matangkasa' siagang tena callannu ri dallekanNa Allata'ala Manggeta, punna battu poleang sallang Batara Isa a'rurung siagang sikontu taunNa ngaseng.

PA'JARIANG 20:5

Kalenna Abraham angkana andi'na anjo bainea, nampa kamma todong anjo kananna anjo bainea. Matangkasaki ati mailalangku anggaukangi anne passalaka, jari tena nakusala.”

1 KARAENG-KARAENG 8:32

o Batara, poro Kipilangngeri ri suruga siagang Kitappuki parkarana anne ata-atanTa ngaseng. Hukkungi tau salaya situru' panggaukanna, siagang Kilappassangi tau tenaya nasala.

PAMMUJI 9:9

Adeleki ammarenta ri bansa-bansaya na lambusuki angngadeli mae ri ke'nanga.

PAMMUJI 18:21

Nabalasaki Batara panggaukang tojengku; Nabarakkakia' lanri tena kusala.

PAMMUJI 35:23

Ammenteng maKi' naKipattojenga' ri parkaraku, o, Allata'alaku siagang Bataraku, Kitulung laloa'!

PAMMUJI 43:1

Kisarea' kaadelang, o, Allata'ala, Kipattojengi hakku mae ri bansa dorakaya. Kilappassanga' battu ri tu ja'dalaka siagang patipua.

PAMMUJI 96:10

Kabarrangi mange ri bansa-bansaya angkana, “Anjo Batara Karaeng! Jarreki linoa takkulleai ta'lengga; Iami langngadeli bansa-bansaya siagang adele'.”

PAMMUJI 96:13

Saba' Batara battu ammarenta ri lino, laNaadeli bansa-bansaya siagang adele' na lambusu'.

PAMMUJI 98:9

Saba' battui untu' angngadeli linoa; bansa-bansaya laNaadeli siagang adele' na tojeng.