PAMMUJI 7:7 - KITTA' MATANGKASA'

⁷ Ambangung maKi' lalang larroTa, o Batara, ewai jallo'na musu-musungku. AmbangungKi' untu' antulunga', saba' Kituntuki kaadelanga.

PAMMUJI 7:7 Referans Kwoze

PAPPICINI' 19:2

Adeleki siagang annabai pangngadelanNa! Napabattumi hukkunganNa mae ri pasundala' lompoa, ampanrakiai linoa siagang gau' bawanna. Le'ba'mi Nahukkung Allata'ala anjo pasundalaka, lanri nabunona sikamma ata-atanNa Allata'ala.”

PAPPICINI' 18:20

He, surugaya, a'rannu-rannuko lanri posso'na anjo kotaya. He, Umma'Na Allata'ala, suro-suroa, siagang na'bi-na'bia ma'rannu-rannuko! Nasaba' nihukkummi ri Allata'ala anjo kotaya, a'jari pa'balasa' mae ri apa-apa le'baka nagaukang mae ri kau ngaseng!

YESAYA 57:15

Saba' kammaminne kananNa Allata'ala Kaminang Tinggia na matangkasa', makoasaya sa'genna satunggu-tungguna, “AmmantangA' ri tampa' tinggia siagang tangkasaka, mingka ammantang tongA' ri alla'na tau tuna pa'maika siagang tau assesse' lalanga lanri dosa-dosana, untu' ampamollei sumanga'na siagang panrannuanna ke'nanga.

PAMMUJI 138:6

Tamaka la'biritTa, mingka tau tunaya Kiparhatikang tongi; tau borroa takkulleai accokko battu ri Katte.

PAMMUJI 93:4

Mingka Batara makoasa ri suruga, la'bi hebakkangngang na arrunna tamparang lompoa, la'bi gassingangang napa'jallo'na bombanga.

PAMMUJI 48:11

Masahoroki arenTa siagang nipuji ri sikontu linoa, ammarentaKi' siagang adele'.

PAMMUJI 35:23

Ammenteng maKi' naKipattojenga' ri parkaraku, o, Allata'alaku siagang Bataraku, Kitulung laloa'!

PAMMUJI 43:1

Kisarea' kaadelang, o, Allata'ala, Kipattojengi hakku mae ri bansa dorakaya. Kilappassanga' battu ri tu ja'dalaka siagang patipua.

PAMMUJI 59:5

Teai tongi lanri kasalangku, napparuru siagang sadia-sadia ngaseng ke'nanga.