PAMMUJI 7:2 - KITTA' MATANGKASA'

² O, Batara Allata'alaku, iKatte kupa'la'langi; Kipasalamaka' siagang Kilappassanga' battu ri sikontu tau angngondanga'.

PAMMUJI 7:2 Referans Kwoze

PAMMUJI 50:22

Parhatikangi, ikau ngaseng takkaluppaya mae ri Allata'ala; tutuko, gassingka Kuposso' ngasengko, na tena ampasalamakko.

YESAYA 38:13

La'busu' bangngia' ammarrang napakamma pa'risi', rapang nilicara' buku-bukungku ri singa; kukapangi laNapa'le'ba'mi Allata'ala tallasakku.

1 PETRUS 5:8

Paralluko tuli tutu siagang a'jaga-jaga! Nasaba' anjo Billisika iami musunnu. A'lampai anrai'-kalau' sanrapang singa nye'nyereka amboyai apa akkullea nalollong.

2 TIMOTIUS 4:17

Mingka Narurunganga' Batara. Nasarea' kagassingang sa'gengku akkulle ambirittakangi sikontu anjo Kabara' Bajika, sollanna akkulle nalangngere' ngaseng bansa-bansa maraenga. Siagang ta'lappasa'ma' battu ri bahayana kamateanga.

PANGNGEBARANG 19:12

Larrona karaenga sanrapangi sa'ra arrunna singaya; kabajikanna karaenga sanrapangi saliu' ambasai timbo-timboanga.

PAMMUJI 35:15

Mingka ri wattungku susa, sannangi pa'mai'na ke'nanga, siagang a'rappungammi ambalianga'. A'jappa keppang-keppangi ke'nanga untu' ancau-caua'.

PAMMUJI 22:13

Sanrapangi tedong romang jaia, musua angkatulunga', sanrapang tedong romang liara' battu ri Basan angkatulunga'.

PAMMUJI 17:12

Sanrapangi singa ke'nanga eroka angkokkoki musunna singa rungka angngadanga ri tampa' taccokkoa.

AYUB 10:7

Sitojenna Kiassengi siagang Kipahangi, angkana tena kusala, mingka annaba'. Kiassengi angkana manna sitau tania' akkulle ampasalamaka' battu ri limanTa.

2 SAMUEL 14:6

Nia' ana' bura'nena atanta rua. Ri se'reang allo a'besereki ke'nanga ri paranga. Lanri tenana tau ansa'lakki ke'nanga, matemi kalase'renna nibuno ri sari'battanna.

PAOLE 33:20

Ri sesena suku Gad nakana: “Nipujimi Allata'ala le'baka assarei Gad butta luaraka untu' napammantangngi. Attayangi Gad rapang sikayu singa eroka angkakkaraki salanggaya siagang ulua.

PAMMUJI 11:1

Untu' pamimping pakelong. Pammujina Daud. Ma'la'langa' ri Batara; tena matu-matunna makkana ri nakke, “Pasalamaki kalennu sanrapang jangang-jangang anri'baka mange ri moncong.

PAMMUJI 16:1

Pammujina Daud. Jagaia', o, Allata'ala, saba' iKattemi kupa'la'langi.

PAMMUJI 31:2

IKattemi pa'la'langangku, o, Batara, teaKi' passalasaia'. Pasalamaka' lanri kaadelanTa,

PAMMUJI 59:2

O, Allata'alaku, Kipasalama' laloa' battu ri musu-musungku, Kijagaia' battu ri tau eroka ambakkaia'.