PAMMUJI 7:16 - KITTA' MATANGKASA'

¹⁶ Angngekei kali'bong untu' tau maraeng, mingka kalenna tu'guru' antama'.

PAMMUJI 7:16 Referans Kwoze

ESTER 9:25

Mingka andallekangi Ester ri karaenga, nampa appasulu'mo sura' parenta, sa'genna a'jarimo anjo rancana ja'dalaka Haman nataba kalenna. Sa'genna iami siagang sikamma ana' bura'nena nigentung ri pa'gentunganga.

1 KARAENG-KARAENG 2:32

Lanihukkungi ri Batara lanri pammunoang le'baka nagaukang nampa tanaassenga manggeku. Abner, perwira tantarana Israel, siagang Amasa perwira tantarana Yehuda, rua-rua tena salana. Bajikangngangi ke'nanga na kalenna Yoab, mingka nabunoi ke'nanga.

PAMMUJI 36:12

TeaKi' balang parekangia' nibakkai ri tu borroa, yareka nibongka ri tu ja'dalaka.

1 SAMUEL 28:19

Ikau siagang tu Israel laNapassareangko mae ri tu Filistin. Ammuko, ikau siagang ana' bura'nenu la'rappungangko siagang inakke; ba'lalo sikontu tantara Israel lanipassareang tongi mae ri tu Filistin.”

1 SAMUEL 26:10

Lanri Batara mattallasaka, kuassengi angkanaya sallang KalenNa Batara lambunoi Saul, punna narapi'mo a'jala'na, yareka punna matei lalang bundu'.

1 SAMUEL 23:9

Mingka naassemmi Daud angkanaya appikkiri' ja'dalaki Saul mae ri ia. Lanri kammana anjo nakanamo ri Imang Abyatar, “Erangi anjo efodka mae anrinni.”

PAMMUJI 36:4

Kana-kananna ja'dalaki siagang rassi balle-balle, tenamo nagaukangi apa bajika siagang annabaya.

1 KARAENG-KARAENG 21:19

pabattui mae ri ia angkana iNakke, Batara akkana kammA' anne, ‘Le'bakko ammuno, anrampasakko pole! Lanri kammana anjo, cera'nu lanilepaki ri kongkong, ri tampa'na kongkong-kongkonga allepaki cera'na Nabot!’ ”

ESTER 7:10

Kammaminjo nanigentummo Haman ri panggentungang le'baka napare' untu' anggentungi Mordekhai. Le'bappi anjo nampa naung larrona karaenga.

AYUB 4:8

Kuassengi battu ri paccinikku, angkanaya tau appa'jekoa ri koko kaja'dallang, siagang appakioro' bala a'jari bine lamungang, lakkattoi cilaka siagang kasusaang!

PAMMUJI 9:16

Bansa-bansa tenaya naassengKi' tu'guru' antama' ri kali'bong nakekea kalenna ke'nanga; nialle ri sikko' napare' kalenna ke'nanga.

PAMMUJI 35:8

Boli'mi kamma ke'nanga nituju ri posso' tena nasanna-sannai ke'nanga. Boli'mi kamma nijakkala' ke'nanga ri sikko' napareka kalenna nampa tu'guru' na posso'.

PAMMUJI 57:7

Natannangngia' sikko' musungku, natepoki sumangakku. Angngekei kali'bong ri oloangku, mingka kalenna ke'nanga tu'guru' antama'.

PAMMUJI 141:10

Boli'mi kamma tu'guru' ke'nanga antama' ri sikko' kalenna, mingka inakke poro salamaka'.

PANGNGEBARANG 1:19

Kamma memangi, angkanaya tau ammakea katerassang a'boya dalle', nyawana tonji ke'nanga lanapabayara'.

PANGNGEBARANG 26:27

Inai ampangngekeangi kali'bong paranna tau, lata'loposoki antama' ri anjo kali'bonga. Inai appagulung batu untu' ampitujui paranna tau, kalenna lanatuju anjo batua.

KATO'BA 10:8

Inai angngeke kali'bong, kalenna latu'guru' antama; inai anrumbang tembo' lanitottoki ri ulara' a'racung.