PAMMUJI 7:12 - KITTA' MATANGKASA'

¹² Allata'ala haking adele', siwattu-wattu anghukkungi tu ja'dalaka.

PAMMUJI 7:12 Referans Kwoze

LAMPA-LAMPANA 3:19

Lanri kammana minjo sari'battangku ngaseng, nuparallumo massing toba' battu ri dosa-dosanu, siagang ammotere' mako ri Allata'ala sollanna naNapammopporang dosa-dosanu.

MATIUS 3:10

Sadiami pangkulu' lanipata'banga ri poko' kayua sa'genna ri aka'-aka'na. Sikamma poko' kayu tenaya nabaji' rapponna lanita'bangi nampa nipela' antama' ri pepeka.

YEHEZKIEL 18:30

Nakana Batara Kaminang Tinggia, “He tu Israel, laKuadeli tunggala' taua situru' massing panggaukanna. Toba' mako battu ri dosa-dosanu. Teako lappassangi dosanu angngancuruki kalennu.

PAOLE 32:41

Punna le'ba' Kukantisi' pa'dangKu sa'genna accilla', laKupajappai kaadelanga. La'balasakKa' mae ri sikontu musua; Kuhukkungi tau birisika ri Nakke.

PAMMUJI 85:4

Tenamo naKikalarroi ke'nanga; taKipa'jariami pangngalarroi lompoTa.

YEHEZKIEL 33:11

Paui mae ri ke'nanga angkanaya lanri iNakke, Allata'ala mattallasaka, Batara Kaminang Tinggia, tena naKusannang punna mate tau ja'dalaka; kabalekanna Kukellai nabokoi ke'nanga dosa-dosana sollanna tuli attallasa'. He bansa Israel, ammari mako a'gau' ja'dala'! Angngapa nuero' mate?

YEHEZKIEL 21:23

Tena natappa' pandudu'na Yerusalem angkanaya lanibunduki ke'nanga, lanri le'baki ke'nanga appare' parjanjiang siagang Babel. Mingka anne botoa lampakaingaki ke'nanga angkanaya lanijakkalaki ke'nanga lanri dosa-dosana.

YESAYA 34:5

Napasadiami pa'danNa Batara ri suruga, na kamma-kamma anne latattabami anjo pa'danga mae ri bansa Edom, le'baka nitappuki hukkunganna laniancuru'.

YESAYA 27:1

Anjo wattua lammakei Batara pa'dang tarang siagang kassa' untu' anghukkungi Lewiatan, iamintu ulara' ammekko'-mekkoka siagang akkalu'-kaluka, kammayatompa lambunoi naga tamparanga.

PA'JARIANG 18:25

Tea laloi nanibunoi anjo tau tenaya salana assama-sama siagang tau salaya. TeaKi' Batara! Nasaba' punna kamma anjo laKigaukang, ma'nassa anjo tau tenaya salana lanipasihukkungi siagang tau niaka salana. Maka akkullei hakinna sikontu linoa la'gau' tena adele'!”

PAMMUJI 9:5

Nasaba' iKatte ammarenta, a'jari haking adele'; IKatte ampattojenga' ri parkaraku.

PAMMUJI 129:4

Mingka adeleki Batara Napakabebasa'ma' battu ri nipareka ata.”