PAMMUJI 7:10 - KITTA' MATANGKASA'

¹⁰ Kipammari kaja'dallanna tu dorakaya Kipakajarreki atinna tu bajika, saba' iKatte Allata'ala adele', antarrusukai atinna siagang pikkiranna rupataua.

PAMMUJI 7:10 Referans Kwoze

PANGNGEBARANG 28:18

Tau tenaya callanna lalang tallasa'na lasalamaki. Tau a'lekko-lekkoa tallasa'na, latu'guruki.

PAMMUJI 125:4

O, Batara, Kigaukammi bajika mae ri tau bajika, mae ri tau tulusu' pa'maika.

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

PANGNGEBARANG 11:20

Nakabirisi Batara tau ja'dalaka pa'mai'na, mingka Nakamaseangi tau tenaya callanna tallasa'na.

PA'JARIANG 15:1

Le'baki anjo, anggappami Abram pappiso'na siagang nalangngere'mi Batara angkana ri kalenna, “Teako mallakki Abram. LaKujagaiko battu ri balaya, siagang laKusareko pahala lompo.”

PANGNGEBARANG 2:21

Nasaba', tau attallasaka situru' ero'Na Allata'ala, iamintu tau lambusuka pa'mai'na, iami ke'nanga lammantang ri pa'rasangang le'baka Napa'janjiang Batara.

PAMMUJI 112:2

Lakoasai ana'-ana'na ri anne pa'rasanganga, turungang tau baji' siagang lanibarakkaki.

PAMMUJI 89:18

Kisarei ikambe pammetang lompo, lanri kabajikanTaji bawang nammeta ikambe.

PAMMUJI 3:3

Jaimi tau mangkana taerokai Allata'ala antulunga'.

AYUB 8:6

punna lambusu' pa'mai'nu, tena callannu, laNatulungko linta' Allata'ala; na a'jari pa'balasa'na, laNapakabajiki ammotere' ruma tangganu.

1 PATTOTTORANG 28:9

Nampa nakana Daud mae ri Salomo, “Anakku, parallui nuakui Allata'ala nasombaya manggenu, salaku Allata'alanu. Musti anynyombako mae ri Ia situlusu'na atinnu. Nasaba' Naasseng ngasengi sikontu pikkiranta siagang apa nakaerokia atinta. Punna nuboyai, lanubuntuluki, mingka punna nubokoi, laNasorongbokoko sa'genna satunggu-tungguna.

2 PATTOTTORANG 6:30

poro Kipilangngeri battu ri pammantanganTa ri suruga siagang Kipamopporangi ke'nanga. IKatteji bawang angngassengi atinna rupataua. Lanri kammana anjo Kibalasa'mi mae ri tunggala' taua situru' massing panggaukang-panggaukanna,

YEREMIA 11:20

Nampa appala' doamma' angkana, “O Batara Kaminang Koasaya, iKattemi haking adeleka; iKatte angngassengi pikkiranna siagang atinna taua. Anne parkaraku kubuangi mae ri Katte. Poro akkulle laloi kucini' angkanaya iKatte ambalasaki panggaukanna sikamma anjo taua.”

YEREMIA 17:10

INakke, Batara, ansalidiki atia, Kuso'ri pa'mai'na rupataua. Tunggala' taua laKubalasaki situru' panggaukanna siagang Kugauki situru' panggaukanna.”