PAMMUJI 69:6 - KITTA' MATANGKASA'

⁶ O, Allata'ala, Kiassengi sikamma kasalangku tena nataccokko dosaku mae ri Katte.

PAMMUJI 69:6 Referans Kwoze

PAMMUJI 25:3

Tu ta'baleka ri Katte lanipakasiriki, mingka tu tappaka ri Katte tena nalanipassalasa.

PAMMUJI 7:7

Ambangung maKi' lalang larroTa, o Batara, ewai jallo'na musu-musungku. AmbangungKi' untu' antulunga', saba' Kituntuki kaadelanga.

YESAYA 49:23

Sikamma karaenga larapangi mangge mae ri kau, na sikamma karaeng bainea a'jari amma' mae ri kau. La'su'juki ke'nanga ampakalompoko siagang napakatuna kalenna mae ri kau. Na lanuassemmo angkanaya iNakke anne Batara; tau manrannuanga ri Nakke tena nala'ba pa'mai'na.”

PAMMUJI 72:18

Nipujimi Batara, Allata'alana Israel! Iaji bawang akkulle anggaukangi apa-apa appakalannasaka.

PAMMUJI 35:26

Boli'mi kamma tau sannanga anciniki pa'risikku a'jari lingu siagang a'jari siri'-siri'. Boli'mi kamma tau napattampoanga kalenna mae ri nakke nihina siagang nipakasiri'.

2 SAMUEL 23:3

Le'baki a'bicara Allata'alana Yakub; Nakana pannulunna tu Israel ri nakke: “Karaeng ammarentaya ri ra'ya' lalang kaadelang ampimpingai mappilangngeri mae ri Batara,

LAMPA-LAMPANA 13:23

Battu ri sossorannami anjo Daud, Napasadia Allata'ala sitau Karaeng Mappasalama'na bansa Israelka, situru' apa le'baka Napa'janjiang riolo. Na iaminjo Isa Karaeng Mappasalama' le'baka nipa'janjiang.

LAMPA-LAMPANA 13:17

Le'ba'mi Napile Allata'ala bansa Israel, boe-boeta, naNapa'jari jai anne bansaya ri wattunna ammantang ke'nanga annumpang ri butta Mesir. Nampa lalang kakoasang lompoNa Allata'ala, Naerammi Allata'ala assulu' ke'nanga battu ri Mesir.

LAMPA-LAMPANA 4:7

Nierammi Petrus siagang Yohanes mae ri dallekanna ke'nanga. Nikuta'nammi ri ke'nanga angkana, “Antekamma batenu amballei anjo tau pesoka? Kagassingang apa yareka koasa battu kemae nupake anggaukangi anjo kammaya?”