PAMMUJI 69:4 - KITTA' MATANGKASA'

⁴ Akkio'-kiokka' sa'gengku mangngang nakalotoro'mo karro'-karrokku. Paccemi matangku antayangi pannulunNa Allata'alaku.

PAMMUJI 69:4 Referans Kwoze

YOHANES 15:25

Mingka musti kamma memang tommi anjo, sollanna a'rupamo apa tattulisika lalang ri Kitta' Hukkunna ke'nanga, iamintu: ‘NakabirisiA' ke'nanga, natena passabakkang.’

PAMMUJI 35:19

TeaKi' balang parekangia' nipare' karek-karenang ri tau ambalianga' natena saba'na. TeaKi' balang parekangia' nigorai ri tau birisika ri nakke natena saba'na.

2 KORINTUS 5:21

Tena dosaNa Almasi, mingka nipipisangiangi ri Allata'ala sikontu dosata mae ri Ia, sollanta akkulle assibajiki siagang KalenNa, lanri asse'retamo mae ri KalenNa Almasi.

PAMMUJI 40:12

O, Batara, teaKi' ammari angkamaseanga'; tuli Kijagaia' siagang pangngamaseanTa na tamamminraTa.

1 PETRUS 3:18

Nasaba' le'ba'mi sikali mate Almasi untu' satunggu-tungguna passabakkang dosana rupataua; Ia tena salanna mingka matemi untu' tau salaya. Nagaukammi Almasi kammaya anjo sollannu akkulle Narurungang ngaseng mae ri Allata'ala. Nibunomi tubuNa, mingka nipattallasa' poleammi ammotere' katallassang rohaniNa.

1 PETRUS 2:22

Tena nale'ba' a'gau' dosa, siagang tale'bakai nia' tau allangngereki a'balle-balle.

PAMMUJI 59:3

Kilappassanga' battu ri tau a'gau' ja'dalaka, pakabella' battu ri tau pabunoa.

1 PETRUS 2:24

KalenNa Almasi ampisangi sikontu dosa-dosata irate ri kayu sallika, sollanta akkulle bebasa' battu ri kakoasanna dosaya, siagang nakiattallasa' situru' ero'Na Allata'ala. Loko'-loko'Nami Almasi ampamolleko ri garrinnu.

PAMMUJI 6:7

Posoa' na kudodong akkunrareng; bangngi-bangngi ammatti' je'ne' matangku ambasai tampa' katinroangku.