PAMMUJI 69:3 - KITTA' MATANGKASA'

³ Tappeccorokka' antama' ri je'ne' lantanga, tena pattuppuangku. Tallanga' ri je'ne' lantanga, nilo'lorang ri bombang manaika.

PAMMUJI 69:3 Referans Kwoze

PAMMUJI 6:6

Saba' lalang ri lino kamateang taniu'rangia maKi'; tenamo tau mammuji ri Katte lalang linona tu matea.

YESAYA 38:14

Sa'rangku pila' ca'dimi na pila' lamma, rapang jangang-jangang bodobangkeng akkunrareng. Mangngammi matangku acconga nai' ri langi', Batara, Kilappassanga' battu ri anne kasusaanga.

PAMMUJI 119:123

Paccemi matangku antayangi bantuanTa appasalamaka, kutayangi pambebasang Kipa'janjianga.

PAMMUJI 119:82

Mangngangi matangku antayangKi' anrupai janjinTa, kukana, “Angngapapi nalaKisaleoria'?”

PAOLE 28:32

Lanipassareangi ri dallekanna matannu sikamma ana'nu salaku ata mae ri bansa maraenga. Allo-allona pacce matannu amboyai anjo ana'-ana'nu, mingka tena matu-matunna usahanu, nasaba' tenamo nalammotere' ke'nanga.

IBRANI 5:7

Ri wattunna attallasa' Isa ri anne linoa, akkio' lompoi siagang angngarruki appala' doang mae ri Allata'ala, akkullea ampasalamaki battu ri kamateanga. Na lanri tunduki siagang Napakalompoi Allata'ala, nipilangngerimi pappala'Na.

YOHANES 19:28

Naassemmi Isa angkanaya kamma-kamma anne le'ba' ngasemmi, na sollanna a'rupamo apa tattulisika lalang ri Kittaka, Nakanamo, “TurereA'.”

PIRAUNG 2:11

Akkambammi matangku lanri tenammariku angngarruka tojeng, pa'risi' nyawaku tena rapanna. Pacce nyawaku anciniki runtung bansaya; anciniki ana'-anaka siagang ana' loloa sessa ri tangngana aganga ri kota-kotaya.

PAMMUJI 69:21

Tappu' minasama' napakamma nihina, tenamo sumangakku. A'boya' pa'rikongang, mingka sia-siaji, a'boya' panynyaleori, mingka tena kunggappa.

PAMMUJI 39:7

tallasa'na allalo kammaji bayang-bayang bawang. Sikontu resona sia-siaji bawang; appatambungi barang-barang, mingka tanaassengai angkana inai lampakei.

PAMMUJI 25:21

Poro nirurungang laloa' ri kabajikang siagang kalambusang, saba' manrannuanga' mae ri Katte.

PAMMUJI 22:15

Tenamo kagassingangku sanrapang je'ne' tattumpaya, sikontu bukungku sangkamma ta'lappasa' ngasemmi ri lesoanna, assolommi atingku sanrapang liling.

PAMMUJI 22:2

Allata'alaku, o, Allata'alaku, angngapa naKibokoia'? Akkioka', mingka tuli bellaKi' na tena naKitulunga'.

AYUB 16:16

Eja rupangku lanri angngarru'; akkambang na gau' tompo' matangku.

AYUB 11:20

Mingka tau ja'dalaka lalingui paccini'na, saba' tena pannulunna ke'nanga. Se'reji bawang panrannuanna ke'nanga iamintu a'jala'na labattu linta'.”

PAMMUJI 40:3

Nabesoka' battu lalang ri kali'bong bahayaya, battu lalang ri peo'na binangaya. Nabolika' irate ri bulu' batua, sa'genna baji' dakkaku.

PAMMUJI 88:7

Kipasambila' antama' ri kali'bong kuburuka, ri leang kuburu' lantanga siagang sassanga.