PAMMUJI 69:14 - KITTA' MATANGKASA'

¹⁴ Mingka appala' doanga' mae ri Katte, o, Batara, o, Allata'ala, pialia' punna baji' wattua. Kitulung laloa' lanri pangngamaseang lompoTa siagang lanri tamamminraTa.

PAMMUJI 69:14 Referans Kwoze

PAMMUJI 144:7

Kipajonjoi limanTa battu ri suruga, na Kilappassanga' battu ri a'baya. Kipasalamaka' battu ri kakoasanna bansa maraenga

PAMMUJI 109:21

Mingka Kitulunga' situru' janjinTa, o Karaeng Allata'alaku, pasalamaka' lanri kabajikanTa siagang pangngamaseanTa.

LUKAS 19:27

Na kamma-kamma anne erang ngasemmi mae sikamma tau ammusua', iamintu tau tenaya naero' akkaraeng ri nakke. Buno ngasengi ke'nanga ri dallekangku!’ ”

LUKAS 19:14

Mingka sanna' nikabirisinna ri tuma'buttana anjo pa'rasanganga. Jari ri wattunna a'lampamo anjo tu nipakala'birika, nia'mo nasuro ke'nanga mange ampaui angkanaya teami ke'nanga angkaraengangi anjo karaenga.

MARKUS 15:34

Na ri wattunna narapi'mo tette' tallu ri karuenga, ammarrang lompomi Isa angkana, “Eloi, Eloi, lama sabakhtani?” battuanna, “O Allata'alaKu, o Allata'alaKu, angngapa na NubokoiA'?”

PIRAUNG 3:55

O Batara, akkioka' ri Katte, battu ri anjo bungung lantanga.

PAMMUJI 109:3

Nabakkaia' ke'nanga siagang kana-kana pangngabirisi, nabundukia' ke'nanga natena passabakkanna.

PAMMUJI 69:15

TeaKi' balang parekangia' tallang lalang ri je'neka, pasalamaka' battu ri tau birisika ri nakke siagang battu ri je'ne' lantanga.

PAMMUJI 42:7

Ancuruki pa'maikku anrinni ri pa'rasangang pammelakkanga anne, lanri kammanami kungngu'rangi ri Batara. Ammanyuki nyawaku nalo'lorang kasi'nang, natujua' a'bana karicuang; sanrapang arrunna je'ne' tu'guru'na Binanga Yordan battu ri Moncong Hermon siagang Moncong Mizar.

PAMMUJI 42:2

Sanrapang jonga nakku' ri je'ne' binanga, kammaminjo nakku'na nyawaku ri Katte, o, Allata'ala.

PAMMUJI 35:19

TeaKi' balang parekangia' nipare' karek-karenang ri tau ambalianga' natena saba'na. TeaKi' balang parekangia' nigorai ri tau birisika ri nakke natena saba'na.

PAMMUJI 86:5

IKatte bajikKi', o, Batara, Kingai ampamopporangi taua, tau appala' doanga mae ri Katte tuli Kikamaseangi siagang pangngamaseang alla'bi-la'bia.

YUNUS 2:8

Tau anynyombaya ri barhala tenaya bua'-bua'na nabokoiKi' siagang tamajarrekami pa'mai'na.