PAMMUJI 69:13 - KITTA' MATANGKASA'

¹³ A'jari carita' ri tampa' pa'rappunganna taua, kelong-kelong tunasa'ringa inakke napitabai.

PAMMUJI 69:13 Referans Kwoze

2 KORINTUS 6:2

Nakana Allata'ala lalang ri Kittaka, “Ri wattu pangngellaingKu, Kupilangngerimi pappala'nu, siagang ri wattu allo kasalamakkanga, Kupasalama' mako.” U'rangi baji'-baji'! Iaminne wattua, wattu pangngellaiNa Allata'ala. Kammayatompa iaminne alloa, allo pappasalama'Na Allata'ala.

YESAYA 49:8

Nakana Batara ri umma'Na, “Punna mangngellaiA', lappialiA'; ri allo appasalamakKu, laKutulungko. Kula'langiko siagang Kujagaiko, siagang Kupa'jariko parjanjiang mae ri bansa-bansaya. Kupa'jari bajiki ammotere' pa'rasangang sinoa a'jari butta pisaka nipammantangia.

PAMMUJI 91:15

Punna akkio' mae ri Nakke, laKupiali. Ri wattu kasukkarang, laKutulungi; laKulappassangi na Kusare kalompoang.

1 SAMUEL 25:8

Pakkuta'nangngang mami ri ke'nanga, mattantu napakkontutojenna ke'nanga anjo passalaka. Lanri kammana anjo, kuminasai nanutarima baji' ana' buaku ri balla'nu, lanri battui ikambe ri anne allo lompoa. Sare tongi anne sikamma ata-atannu siagang inakke pole Daud, agang baji'nu, apa-apa mamo situru' nakate'neanga pa'mai'nu.”

1 PETRUS 2:23

Ri wattunna nipali'boi, tena Na'balasa' appali'bo. Ri wattunna sessa, tena Na'garatta'; poro Nabuangammi anjo parkaraya mae ri Allata'ala, Haking adeleka, sikamma kara-kara antujuai.

IBRANI 5:7

Ri wattunna attallasa' Isa ri anne linoa, akkio' lompoi siagang angngarruki appala' doang mae ri Allata'ala, akkullea ampasalamaki battu ri kamateanga. Na lanri tunduki siagang Napakalompoi Allata'ala, nipilangngerimi pappala'Na.

YESAYA 55:6

Ammotere' mako mae ri Batara lalang akkullena ija; akkio' mako mae ri Ia lalang a'reppese'Na.

PA'JARIANG 24:27

Nakana, “Nipujimi Batara, Allata'alana karaengku Abraham. Ma'nassa akkana sitappa' tojengi Batara siagang baji' pa'maiki mae ri karaengku Abraham. KalenNa ampimpinga' tulusu' mae ri bija pammanakanna.”

PAMMUJI 98:3

Nau'rangi pangngamaseanNa siagang pa'mai' tamamminraNa mae ri Israel umma'Na. Sikontu bansaya ri lino nacini'mi pammetanNa Allata'alata.

PAMMUJI 51:1

Untu' pamimpin pakelong. Pammuji natulisika Daud

PAMMUJI 32:6

Lanri kammana sikamma tau bajika parallui appala' doang ri wattunna nakasia' kasukkarranga, sa'genna punna battu a'ba kasusaanga, tena nanilo'lorangi.

ESTER 7:2

Lalang angnginunna anggoro', akkuta'nammi pole karaenga ri Ester angkana, “Jari kamma-kamma anne ratuku, apa nukaeroki? Paumi! Mattantu lakusareangko, manna bageruanna kakaraengangku nupala'”

ESTER 5:6

Ri wattunna angnginung anggoro', akkuta'nammi karaenga angkana, “Kamma-kamma anne paumi apa nukaerokia. Manna apa nupala' tena takusarenu, manna pole nabageruanna anne kakaraengangku!”

ESTER 5:2

Ri wattunna nacini' Ratu Ester ammenteng pantarang, tu'guru'mi pangngamaseanna ri ia. Napajonjomi takkang bulaenna mae ri ia. Jari majumi Ester mae ri dallekang, nampa najama cappa'na anjo takkang bulaenga.

LUKAS 1:72

Lanri ero'Na napappicinikang baji' atinNa ri tu riolota, na laNapa'rupa anjo janji matangkasa'Na.

MIKHA 7:20

Mae ri ummatTa, iamintu jari-jarina Abraham siagang Yakub, laKipappicinikangi majarretTa siagang pangngainTa tenaya sanggana sangkamma Kipa'janjianga mae ri boe-boena ikambe battu riolo dudu.

PIRAUNG 3:63

Battu ri bari'basa' sa'genna bangngi, sangnging inakke mami nakakkali.