PAMMUJI 68:6 - KITTA' MATANGKASA'

⁶ Allata'ala niaka ammantang ri Balla' matangkasa'Na a'jari mangge mae ri ana' kukanga siagang angngagangngangi sikamma jandaya.

PAMMUJI 68:6 Referans Kwoze

PAMMUJI 113:9

Nasarei ana' sikamma baine tamananga, napa'jari amma' mate'ne siagang nipakalompo ri balla'na. Pujimi Batara!

PAMMUJI 69:33

Nacini'na kammaya anjo, rannumi tau nijallakkanga, lompomi pa'mai'na tau anynyombaya ri Allata'ala.

PAMMUJI 107:14

Naerangi ke'nanga assulu' battu ri kasassangnganga, nampa Natepo' rante bassi passikko'na ke'nanga.

PAMMUJI 107:10

Nia'mo ammantang lalang ri kasassangnganga, tau sessaya nitahang lalang rante bassia,

YESAYA 61:1

KoasaNa Batara Kaminang Tinggia niaki ri nakke; Napilea' siagang Nasuroa' untu' angngerang kabara' baji' mae ri tau kasi-asia siagang ampammollei tau ancuruka pa'mai'na; untu' ampa'la'bangi mae ri tau nitahanga angkanaya tasalloami nanilappassang ke'nanga, siagang mae ri sikamma tau nitarungkua angkanaya lanipasulu'mi ke'nanga.

PAMMUJI 146:7

Naalleangangi ha'na sikamma tau nijallakkanga, na Nasare kanre tau cipuruka. Batara allappassangi sikamma tunitahanga,

GALATIA 4:27

Nasaba' nia' tattulisi' lalang ri Kittaka angkanaya, “Pakarannumi pa'mai'nu ikau baine tamananga, tenaya nale'ba' allassukang ana'! Assannang-sannang mako siagang ma'reja-reja mako ikau tau tale'baka ampisa'ringi pa'risi'na pammanakkanga! Nasaba' baine nibokoia ri tu bura'nenna lanisarei la'bi jaiangang ana', na ia baine niaka tuli a'rurung siagang tu bura'nenna.”

1 SAMUEL 2:5

Tubassoroka riolo lanri kala'bianna ri kanre-kanreang, anne kamma a'jari tungnganre gaji poro untu' anggappa kanre. Tucipuruka riolo, anne kamma sukku'mi, angganna'mi ri kanre. Tutamananga, anne kamma lompomi pa'mai'na, tujumi ana' le'ba' nalassukang! Mingka amma' jaia ana'na, nibokoi, niboli' ta'ronang-ronang.

LAMPA-LAMPANA 16:26

Sikamma tu nitarungku maraeng nalangngereki ke'nanga akkelong. Ti'ring ta'ge'goso' sanna'mi buttaya, sa'genna ta'ge'goso' tommo batu pundasina anjo tarungkua. Tassungke ngasemmi pakke'bu'na tarungkua, kammayatompa ta'lappasa' ngaseng tommi rantena tu nitarungkua.

PAMMUJI 107:34

Butta copponga Napa'jari parang ce'la buttana, lanri kaja'dallanna sikamma pandudu'na.

MALEAKHI 1:3

naKukabirisi Esau. Daera bulu'na Esau le'ba'mi Kuancuru', siagang buttana Kupassareang mae ri olo'-olo' sekkeka ri parang lompoa.”

HOSEA 2:3

Punna tulusu' assundala'na, laKusungkeangi pakeanna sollanna assolara' sangkamma ri allo nilassukanna. LaKupa'jari sanrapang butta kalotoro' na roso', nalamate napakamma turere.

PAOLE 10:18

Naalleangangi ha'na ana'-ana' kukanga siagang jandaya, sollanna akkulle nakasia' ke'nanga kaadelanga; Nakamaseangi tubattu-battua niaka sipattallassang siagang bansata na Nasare ke'nanga kanre siagang pakeang.

PAMMUJI 10:14

Mingka iKatte Kiciniki; Kiparhatikangi kasusaanga siagang kasessanga, na Kituli sadia untu' annulung. Tu tenaya pakkullena napassareangi kalenna mae ri Katte, tuli Kitulungi tu kasi-asia.

PANGNGEBARANG 23:11

Saba', Batara makassaka mangngalleanganga, Iami langngalleangangi ke'nanga lambaliangko.