PAMMUJI 68:31 - KITTA' MATANGKASA'

³¹ Kiga'gara' laloi tu Mesir, anjo olo'-olo' sekkeka ri tangngana ruku' tinggia. Kikalarroi bansa-bansaya, pa'rappungang tedong romanga siagang ana'-ana'na, massing sionjo'-onjokanga untu' anggappa pera'. Napasimbungi Allata'ala bansa-bansa nangaia a'bundu'.

PAMMUJI 68:31 Referans Kwoze

YESAYA 45:14

Nakana Batara mae ri tu Israel, “Patangi wassele' buttana Mesir siagang passawallanna Sudan. Sikamma tu Syeba barania a'jari ikau pata; a'jappai ke'nanga ri bokonu nisikkokang limanna. Lasu'juki siagang lamangakui ke'nanga angkana, ‘Ma'nassa nia' tojengi Allata'ala ri tangnga-tangnganu; tena allata'ala pantaranganna Ia!

ZEFANYA 3:10

Ba'lalo battu ri pa'rasangang Sudan bellaya, anjo ummakKu tassia'-siaraka laniaki battu siagang assare koro'bang mae ri Nakke.

PAMMUJI 44:20

Mingka Kibokoi ikambe lalang ri sassanga; tena pakkullena ikambe ri alla'na olo'-olo' sekkeka.

PAMMUJI 143:6

Kupatara limangku appala' doang mae ri Katte; sanrapang butta kalotoro', nakkuki nyawaku mae ri Katte.

YESAYA 66:19

LammoliKa' se're pammatei ri tangnga-tangngana ke'nanga. Sike'de'ji battu ri ke'nanga laKupasalama'. LaKusuroi ke'nanga mange ri bansa-bansa niaka ri sikamma pa'rasangang bellaya, tenayapa nalangngereki kabarakKu yareka tenayapa naciniki kala'birangKu siagang koasaKu: mange ri Tarsis, Libia, siagang Lidia siagang sikamma tucara'de'na ammana, mange ri Tubal siagang Yunani. Lanakabarrangi ke'nanga kalompoangKu ri alla'na anjo bansa-bansaya.

PAMMUJI 88:9

Kipakabella ngasengi sikontu passiassengangku battu ri Nakke, Kipa'jari tau appakaringikka' mae ri ke'nanga. Takkurunga' siagang takkullea' assulu',

1 KARAENG-KARAENG 8:22

Le'baki anjo, ri dallekanna ra'ya' niaka hadere', ammentemmi Salomo a'dalle' mae ri tampa' pakkoro'bangnganga, nampa naangka' rua-rua limanna,