PAMMUJI 68:25 - KITTA' MATANGKASA'

²⁵ Sikontu taua nacini'mi barisang lompo pammetanTa, o, Allata'ala, Allata'alaku, Karaengku, nirurungammi ri tau jai mange ri tampa' pammantangnganNa.

PAMMUJI 68:25 Referans Kwoze

1 PATTOTTORANG 13:8

na Daud siagang sikontu bansa Israel a'joge'-joge'mi siagang akkelong-kelommi siagang lompo sumanga', untu' ampakala'biriki Allata'ala, narurungang kacapi, rebana simbala', siagang tarompe'.

HAKING-HAKING 11:34

Ammotere'na Yefta battu ri Mizpa, battumi ana' tulolonna anruppai na'joge'-joge' siagang appasa'ra rebana. Iaminjo ana' sitau-tauna.

KALAPPASSANG 15:20

Nampa anjo Miryam, sitau na'bi baine, daenna Harun, angngallemi rabana, kammayatompa sikontu bainea annunrung ngasemmi rabana nampa a'joge'.

YEREMIA 31:13

Ri anjo wattua la'jogeki tau loloa assannang-sannang pa'mai'. Tau toaya siagang tau rungkaya para lamate'ne ngasengi pa'mai'na, nasaba' iNakke lassaleori ke'nanga. Susana ke'nanga Kupinrai a'jari karannuang, Kupinrai si'naya a'jari mate'ne.

YEREMIA 31:4

Bansanu laKupa'jari porei sangkamma riolo. Sikalipi pole langngalleko rabana, siagang a'jogekko napakamma rannu.

PAMMUJI 87:7

La'jogeki siagang lakkelongi ke'nanga, “Sion iami tampa' kabattuangku!”

1 SAMUEL 18:6

Ammotere'na Daud ri le'ba'namo nabeta Goliat anjo tu Filistin, siagang a'barrisi'na tantaraya antama' ri kotaya, assulu' ngasemmi sikamma tubai'-bainea battu ri sikontu kotaya untu' anruppai Karaeng Saul. Akkelong-kelommi ke'nanga kelong ma'rannu-rannu, siagang a'joge'-joge'mi ke'nanga nakkarena rabana siagang kacapi.

PAMMUJI 63:3

Boli'mi kamma kuccini' mae ri Katte ri BallatTa, siagang kucini' kagassinganTa siagang kalompoanTa.

PAMMUJI 77:14

O, Allata'ala, sikontu panggaukanTa matangkasaki, inaika sallompona Allata'alana ikambe?