PAMMUJI 68:20 - KITTA' MATANGKASA'

²⁰ Pujimi Batara, saba' Iami ampasalamakki'; allo-allona Napisang erangnganta.

PAMMUJI 68:20 Referans Kwoze

PAOLE 32:39

Ciniki, iNakke Allata'ala Tenaya Ruanna, pantaranganna iNakke tena maraeng. INakke ammuno siagang iNakke appakatallasa', allokoki siagang appamolle. PungKu angngalle tindakang, tena manna sitau akkulle angngewa.

PAPPICINI' 1:18

INakkemi mattallasaka! Le'ba'Ma' mate, mingka cini'mi, attallasaKa' sa'genna satunggu-tungguna. MakoasA' irateanganna kamateanga, kammayatompa irateanganna linona sikontu tau matea.

YOHANES 5:21

Anjo Manggea ampabangungi tau matea naNasare ke'nanga katallassang sitojennaya siagang mannannunganga; kammayatompa anjo Anaka assarei katallassang mannannungang tau eroka Nasare katallassang.

1 SAMUEL 2:6

Batara appamate, Ia todong appatallasa'. Mange ri lino tumatea Napanaung rupataua. Na Ia todong angngangkaki taua battu anjoreng.

YESAYA 12:2

Tojeng, anjo Allata'ala Mappasalamakku, inakke tappaka' mae ri Ia. Tena kumalla', saba' Napakajarreka'. Mappasalamakku iamintu Allata'ala, makkelonga' mae ri Ia.

PAPPICINI' 20:1

Le'baki anjo nia'mo kucini' se're malaeka' naung battu ri suruga. Nia' nata'gala' ri limanna koncina tubiri'na kamateanga siagang passikko' lompo.

PAMMUJI 56:13

Lakurupai janjingku mae ri Katte, o, Allata'ala, na kuassare koro'bang sukkuru' mae ri Katte.

HOSEA 1:7

Mingka bansa Yehuda laKukamaseangi. INakke, Batara, Allata'alana ke'nanga lampasalamaki ke'nanga; mingka teai lanri pa'bundukang, teai todong lanri pa'dang yareka pana yareka jarang siagang pabaena.”

YOHANES 5:23

NaNapakamma anjo Manggea sollanna nipakala'biri' anjo Anaka battu ri sikontu rupataua, sangkamma napakala'biri'na Manggea ke'nanga. Inai-nai tena napakala'biriki Anaka, tena tommo napakala'biriki Manggea, assuroai battu Anaka.

YOHANES 4:22

Ikau ngaseng tu Samariaya, apa-apa tenaya nuassengi nualle nusomba. Mingka ikatte tu Yahudia, anynyombaki' mae ri Allata'ala niassenga, nasaba' battu lalangi ri tu Yahudia lammumba kasalamakkanga.

PANGNGEBARANG 4:23

Katutui bajiki atinnu, nasaba' atinnu ampattantui oloang tallasa'nu.

KALAPPASSANG 15:2

Batara angngalleia', Ia makkassa'; Iami ampasalamakka'. Ia Allata'alaku, erokka' mammuji mae ri Ia, Allata'alana boe-boeku, kupakkelongangi kala'biranNa.