PAMMUJI 68:18 - KITTA' MATANGKASA'

¹⁸ Appulo sa'bu kareta kassa' Napake ammumba Allata'ala siagang sanna' mala'biri'Na ri alla'na ke'nanga.

PAMMUJI 68:18 Referans Kwoze

PAPPICINI' 21:3

Nampa nia'mo kulangngere' sa'ra lompo akkio' battu ri anjo empoang kala'biranga angkana, “Kamma-kamma anne nia'mi pammantanganNa Allata'ala ri tangnga-tangngana pammantanganna rupataua! Lattallasa'mi siagang ke'nanga, siagang la'jarimi ke'nanga umma'Na. KalenNa Allata'ala lania' ri tangnga-tangngana ke'nanga siagang la'jari Allata'ala mae ri ke'nanga.

2 KORINTUS 6:16

Apa passisambunganna Balla'Na Batara siagang balla'na barhalaya? Ikattemi anne sanrapang Balla'Na Batara, iamintu Allata'ala attallasaka. KalenNa Allata'ala angkana, “LammantangA' ri tangnga-tangngana ke'nanga, na Kusikatallassang siagang ke'nanga. La'jariMa' Allata'ala mae ri ke'nanga, na la'jarimo ke'nanga ummakKu.

HAKING-HAKING 5:12

Debora ammentemmako nai', numakkelong-kelong. Barak, ammentengmako nai', nanuerang sikamma musu nitahanga!

1 PETRUS 3:22

siagang lanri nai'Namo ri suruga. Kamma-kamma anne koasaI siagang Allata'ala siagang Naparentami sikontu malaekaka, sikontu tau anna'galaka koasa, kammayatompa sikontu kagassingang niaka lalang ri jama-jamang rohania.

LAMPA-LAMPANA 2:4

Nikoasai ngasemmi ke'nanga ri RohNa Allata'ala, sa'genna appakkaramulamo akkulle a'bicara lalang a'rupa-rupa bicara. Akkullemi a'bicara ke'nanga situru' apa nisareangai ri RohNa Allata'ala untu' lanapau.

YOHANES 16:7

Mingka apa kammatojeng anne Kupaua mae ri kau: Angkanaya bajikangangi mae ri kau punna a'lampA'; nasaba' punna tena Ku'lampa, talabattuai anjo Pannulunga mae ri kau. Mingka punna a'lampA' laKusuroi battu anjo Pannulunga mae ri kau.

YOHANES 14:23

Appialimi Isa Nakana, “Inai-nai angkamaseangA', lanaturuki ajarangKu. Lanikamaseangi ri ManggeKu. LaniakKa' siagang Manggea battu mae ri ia, ammantang anrurungangi.

PAMMUJI 110:1

Pammujina Daud. Nakana Batara ri karaengku, “Ammempoko ri sa'ri kanangKu, sa'genna Kupatundu' ngaseng sikamma musunnu.”

PAMMUJI 47:5

Napileangki' tana pisaka untu' ikatte, kalompoang pa'mai' ri bansa Nakamaseanga.

PAMMUJI 24:3

Inai akkulle nai' ri bulu'Na Batara, na antama' ri Balla'Na?

KOLOSE 2:9

Nasaba' sikontu batangkalenNa Allata'ala nia'mi lalang ri KalenNa Almasi, iamintu lalang ri ma'rupataua.

PAMMUJI 78:60

Nabokoimi KemaNa ri Silo, tampa' pammantanganNa ri alla'na rupataua.

KOLOSE 2:3

Almasimi ampa'nyatai sikontu apa-apa tenayapa niassengi battu ri kacara'dekanNa siagang pangngassenganNa Allata'ala, ia taccokkoa riolo.

ROMA 5:8

Mingka Napappicinikammi pangngamaseanNa Allata'ala mae ri katte, iamintu ri wattu ero'Na Isa Almasi angkamateangki' ri wattunta doraka ngasengija!

2 PATTOTTORANG 6:18

Mingka o Allata'ala, maka ma'nassa ero' tojenjaKi' ammantang ri anne tompo'na buttaya, ri tangnga-tangngana rupataua? Manna sikontu langika tagannaki luara'na untu' Kipammantangngi, la'biangampa naanne balla' sambayang kubangunga!

PAPPICINI' 1:20

Iaminne rahasiana tujua bintoeng nucinika lalang ri lima kanangKu, siagang anjo tujua bangkeng lampu bulaenga: Anjo tujua bintoeng, iamintu tujua malaeka'na anjo tujua jama'ah; na anjo tujua bangkeng lampu, iamintu anjo tujua jama'ah.”

IBRANI 8:1

Poko'na anne sikamma nibicaraya iamintu: Nia' Imang Malompota sangkammaya anjo; niaka ammempo ammarenta siagang Allata'ala Kaminang Lompoa ri suruga.

IBRANI 6:20

Le'ba'mi Nasungke Isa oloang mangea anjoreng ri tampaka untu' ikatte; siagang le'ba'mi antama' anjoreng a'jari Imang Malompota satunggu-tungguna lalang ri golonganna Imang Melkisedek.

IBRANI 4:14

Iaminjo saba'na kimusti anna'gala' jarre' mae ri pangakuang katappakkanta. Nasaba' nia' Imang Malompota, le'bakamo antama' sa'genna ri dallekanNa Allata'ala – iamintu Isa, Ana'Na Allata'ala.

IBRANI 1:3

Iami ampaccayai lalang ri KalenNa singara' kalompoanNa Allata'ala; Iami rupa ma'nyataNa battu ri KalenNa Allata'ala. Iatommi angkatutui kajarrekanna anne linoa, siagang sanna' makoasana kana Napaua. Ri le'ba'namo Nasare oloang rupataua untu' nilappassang battu ri dosa-dosana, mangemi ammempo ri empoang kala'biranNa ri suruga, ammarenta siagang Allata'ala, anna'galaka koasa kaminang tinggi.

LAMPA-LAMPANA 9:17

A'lampami Ananias mange anjoreng ri ballaka, na napadongko' limanna irateanganna Saulus. Nakana Ananias, “Sari'battangku Saulus, Batara Isa nucinika ri tangngana aganga ri wattunnu mae anrinni, Iami assuroa' battu mae ri kau, sollannu akkulle accini' poleang, siagang nikoasai ri RohNa Allata'ala.”

LAMPA-LAMPANA 2:23

Situru' ero' KalenNa, Natappukimi Allata'ala laNapassareang Isa Almasi mae ri kau ngaseng. Na ri wattunna nipassareang mae ri kau ngaseng, nuallemi nubuno, lanri nubalang parekanna nisalli' ri tau ja'dalaka.

LUKAS 24:51

Lalang Nabarakkakina ke'nanga, ta'angka'mi Isa nai' ri suruga, nampa tassa'la' battu ri ke'nanga.

LUKAS 24:49

Na KalengKu lassuroi battu mae ri kau ngaseng apa le'baka Napa'janjiang Manggea. Mingka musti attayangko rolong anrinni ri kotaya, sa'genna battu koasaNa Allata'ala anrurungang ngasengko.”

LUKAS 24:47

Kammayatompa, lalang arenNa anjo Karaeng Mappasalamaka, musti nibirittakangi mae ri sikontu bansaya angkanaya musti tobaki sikontu rupataua, kammayatompa Napammopporangi Allata'ala dosa-dosaya. Na anjo birittaya, musti nipabattui appakkaramula battu ri Yerusalem.

MARKUS 16:9

Attallasa' poleannamo Isa battu ri kamateanga, ri bari'basa'na allo Minggua, uru-uruna Napappicinikammi KalenNa mae ri Maria Magdalena. (Iaminne Maria le'baka napantamakki tuju setang, na Nabongka Isa assulu' anjo setanga battu ri kalenna.) A'lampai anjo sikamma bai'-bainea mae ri Petrus siagang agang-aganna, nampa napabattu bodona caritana anjo sikontu apa le'baka nipauangi ke'nanga ri anjo tau rungkaya.

MATIUS 9:13

Pappilajarimi apa battuanna niaka nipau lalang ri Kittaka angkanaya: ‘Pangngamaseang Kukaeroki, jari teai koro'bang olo'-olo'’. Nasaba' iaji Kunia' battu lanri tu dorakaya ero' battu Kukio', jari teai tu tojenga.”

YEHEZKIEL 48:35

Sikontu anjo temboka la'buna 9 kilometere'. Na appakkaramula anjo wattua anjo kotaya naaremmi taua: “BATARA NIAKI ANJORENG!”

YESAYA 57:15

Saba' kammaminne kananNa Allata'ala Kaminang Tinggia na matangkasa', makoasaya sa'genna satunggu-tungguna, “AmmantangA' ri tampa' tinggia siagang tangkasaka, mingka ammantang tongA' ri alla'na tau tuna pa'maika siagang tau assesse' lalanga lanri dosa-dosana, untu' ampamollei sumanga'na siagang panrannuanna ke'nanga.

YESAYA 55:7

Parallui tau ja'dalaka napakabaji' tallasa'na, siagang napinra batena appikkiri'. Lappassammi ammotere' mae ri Batara, sollanna anggappa pangngamaseanNa. Parallui assaile mae ri Allata'alata, saba' lammoro' pa'maiki Batara ampammopporangi taua.

PAMMUJI 7:7

Ambangung maKi' lalang larroTa, o Batara, ewai jallo'na musu-musungku. AmbangungKi' untu' antulunga', saba' Kituntuki kaadelanga.

PAOLE 33:2

“Niaki Batara battu ri Moncong Sinai; ammumba ri tompo'na Edom rapang allo. Battu ri Moncong Parangi ammumba untu' ansingari bansaNa. Nirurungang ri sampulo sa'bu malaeka'; a'rinra pepeka ri sa'ri kananNa kamma kila'.

YO"EL 2:11

Assa'ra gunturu'mi sa'ranNa Batara assare parenta, mae ri tantarana. Tamaka jaina pasukanna! Tamaka kassa'na anjo tantara anggaukangai parentaNa! Tojeng tamaka lompona siagang heba'na AllonNa Batara! Tena manna sitau akkulle attahang.