PAMMUJI 68:1 - KITTA' MATANGKASA'

¹ Untu' pamimping pakelong. Pammujina Daud.

PAMMUJI 68:1 Referans Kwoze

PAMMILANGNGANG 10:35

Sampang niangka' anjo Patti Parjanjianga, angkanami Musa, “Ammenteng maKi' o Batara, Kipasimbung-simbungi musunTa sa'genna lari tau angkabirisiaKi'.”

PAMMUJI 44:26

Tu'guru'mi ikambe ancuru' ri buttaya, attinro naung ri limbu'buka lanri nibeta.

PAMMUJI 89:10

IKatte makoasa ri tamparang lompoa bombanna, ampakasannangi bombang lompoa.

YESAYA 33:3

Punna ammentengKi' naKipappilangngerang sa'ranTa a'gamarrunga, ma'nassa lalari bansa-bansaya tassimbung-simbung.

2 PATTOTTORANG 6:41

Ammenteng maKi' nai' kamma-kamma anne, o Karaeng Allata'ala! Kammayatompa antama' maKi' anrinni ri anne BallatTa siagang anjo Patti Parjanjiang pammatei kakoasanTa na Kiammantang anrinni sa'genna satunggu-tungguna. Kibarakkaki laloi sikontu jama-jamanna imang-imanTa, siagang dasi-dasi namate'ne sikontu ummatTa lanri bajitTa mae ri ke'nanga.

PAMMUJI 68:30

Sikamma karaenga angngerangi passare mae ri Katte ri BallatTa ri Yerusalem.

PAMMUJI 59:11

Lanri kabajikanNa Nabattu Allata'alaku mae ri nakke, Nalappassanga' anciniki musungku nibeta.

PAMMUJI 21:8

Manrannuangi karaenga mae ri Batara Kaminang Tinggia, tuli amangi lanri tuli nikamaseangi ri Batara.

PAOLE 7:10

Mingka tena todong Nabata-bata anghukkungi tau birisika ri Ia.

KALAPPASSANG 20:5

Teako anynyombai ri patung kammaya anjo, nasaba' iNakkeji Karaeng Allata'alanu, siagang taerokA' nipasangkamma manna apa-apa mamo. Sikamma tau mangngabirissia mae ri Nakke Kuhukkungi sa'genna jari-jari lapisi' makatalluna siagang makaappa'na.

DANIEL 2:35

Rumbang silalonnami anjo patunga nampa a'jari tambungang bassi, butta pi', tambaga, pera', siagang bulaeng; ancuru' taba sikalimi anjo patunga sangkamma limbu'bu' niaka ri tampa' pa'lessorang gandunga punna wattu timoro'. Anri'ba'-ri'ba'mi anjo timbunganga niiri' ri anging, sa'genna tena sikalimo bate-batena manna sike'de'. Mingka anjo batu anrumbangai anjo patunga a'jari pila' lompomi sangkamma moncong lompona na napirassi sikontu buttaya.

YEHEZKIEL 5:2

Bage tallunna musti nutunui ri tangnga-tangngana anjo kotaya ri wattunna le'ba'mo nikurung anjo kotaya. Bage tallunna pole musti nutattaki siagang pa'dannu nanuinroi anjo kotaya. Nabage tallunna kala'busanga nupasiaraki nai' ri allaka, nampa laKuondang siagang pa'dangku.