PAMMUJI 66:7 - KITTA' MATANGKASA'

⁷ Ammarentai siagang porena sa'genna satunggu-tungguna. Najannangngi bansa-bansaya, sollanna takkullea borro tau angngewaya ri Ia.

PAMMUJI 66:7 Referans Kwoze

PAMMUJI 11:4

Batara niaki ri Balla' matangkasa'Na, empoang kala'biranNa niaki ri suruga. Najannangngi umma' rupataua na Naasseng sikontu panggaukanna ke'nanga.

MATIUS 28:18

A'reppese'mi Isa ri ke'nanga, na Nakana, “Sikontu koasaya, ri suruga siagang ri linoa le'ba' ngasemmi nipassareang ri Nakke.

DANIEL 4:35

Bansa-bansaya ri lino tena anggaranna. Allata'ala makoasa mae ri malaekaka ri suruga siagang pandudu'na buttaya. Tena manna sitau akkulle ambaliangi ero'Na, tena barani ampakuta'nangngangi apa Nagaukanga.”

PAMMUJI 140:8

O, Batara, Allata'alaku, mappasalamakku magassinga, le'ba'ma' Kijagai lalang pa'bundukang.

PAMMUJI 33:13

Battu ri suruga accini' naung Batara, na Nacini' sikontu umma' rupataua.

2 PATTOTTORANG 16:9

Naparhatikangi Batara sikontu linoa untu' ansarei kagassingang tau majarreka tappa'na mae ri Ia. Toloko ri anjo panggaukannu; lanri kammana anjo appakkaramula kamma-kamma anne tuli lanukasiaki pa'bundukanga.”

MATIUS 6:13

TeaKi' balang parekangi ikambe nibeta ri paccobaya passangalinna Kipakabellai ikambe battu ri maja'dalaka [IKattemi Karaeng makoasaya siagang kaminang mala'birika satunggu-tungguna. Aming!]’

PAMMUJI 62:11

Teako manrannuangngi ri wassele' apa nipaccoka ri paranta tau, teako pattoangi barang nialle passaya. Ba'lalo punna katambang kakalumanynyangngannu, teako a'dakkiki nyawanu mae ri anjo.

AYUB 9:4

Allata'ala sanna' cara'de'na siagang sanna' koasana; inai akkulle attahang ambaliangi?

KALAPPASSANG 18:11

Kamma-kamma anne kuassemmi angkanaya malompoangngangi Batara na sikontu rewataya, lanri yangasenna anjo Nagaukangi ri wattunna tampo sikali tindakanna tu Mesir mae ri tu Israel.”

PAMMUJI 145:13

PamarentahanTa tulusuki sa'genna satunggu-tungguna, kakoasanTa attahangi sikontu turungang. Tamamminrayai Batara ri sikontu janjinNa, rassi pangngamaseang sikontu panggaukanNa.

PAMMUJI 75:6

Siagang mae ri tau ja'dalaka, sollanna tenamo natampo sipa'na. Teami napattampoangi kalenna yareka a'bicara borro.

DANIEL 4:34

Ri wattunna allalomo anjo wattu tuju taunga sallona, accongama' nai' ri langika, nampa ammotere'mo pangngu'rangingku. Jari kupujimi Allata'ala Kaminang Tinggia. Kupakalompoi siagang kupakala'biriki anjo Allata'ala mattallasaka mannannungang. “Allata'ala la'jari Karaeng untu' satunggu-tungguna. Ia makoasa ri sikontu jammanga.