PAMMUJI 66:3 - KITTA' MATANGKASA'

³ Angkana mako ri Allata'ala, “Tojeng, appakalannasaki panggaukanTa! Tunduki musua mae ri Katte napakamma malla', saba' teai sipato' lompona koasaTa.

PAMMUJI 66:3 Referans Kwoze

PAMMUJI 18:44

Kilappassanga' battu ri tu dorakaya, nampa Kipa'jaria' tukoasa ri bansa-bansaya; bansa tenaya kuassengi a'jari atangku.

PAMMUJI 65:5

Mate'nei tau Kipilea, siagang tau Kikioka untu' ammantang ri BallatTa. Lanipassukkuki ikambe ri sikamma apa baji' ri BallatTa, ri pammantangngang matangkasatTa.

PAMMUJI 81:15

lalintakKa' ampatunduki musunna ke'nanga, naKubeta sikontu balinna ke'nanga.

PAMMUJI 47:2

Attempa-tempa limako siagang rannu, he sikontu bansaya! Pujimi Allata'ala siagang pakkio' rannu!

YEREMIA 10:10

Mingka iKatte, Batara, Allata'ala tojenga, Allata'ala assarea katallassang, Karaeng mannannunganga. Punna larroKi', ta'ge'gosoki buttaya, Punna nassuKi' tattahangngai bansa-bansaya. (

YESAYA 2:19

Ri wattu ammentenna Batara siagang Napage'goso' buttaya, lantamaki taua ri sikamma kali'bong batu niaka ri bulu'-bulu' batu karanga, yareka angngekei kali'bong antama' ri buttaya sollanna ta'lappasa' ke'nanga battu ri pangngalarroinNa siagang koasa kala'biranNa Batara. Punna battu anjo alloa, lanibokoi bawammi sikamma barhala-barhala peraka siagang bulaeng napareka nampa nasomba ke'nanga, na'jari balao mami siagang pa'nyikia mami pata.

YESAYA 64:3

Le'baki Kigaukang gau' malompoa, tenaya nasanna-sannai ikambe. NaungKi', nampa ta'goccang sikamma monconga ri dallekanTa.

PAMMUJI 76:12

Rupaimi janjinnu mae ri Karaeng Allata'alanu. Sikamma bansa a'reppeseka ammantang siratangi angngerang passare mae ri Allata'ala nikamallakkanga.

PAMMUJI 68:30

Sikamma karaenga angngerangi passare mae ri Katte ri BallatTa ri Yerusalem.

KALAPPASSANG 15:21

Akkelommi Miryam, nirurungang ri rabana; na nakana kelong-kelonna, “Akkelongko mae ri Batara, saba' le'ba'mi ammeta lompo. Sikontu jaranga siagang tu'baena nipasambila ngaseng antama' ri tamparang.”

PAMMUJI 18:45

Bansa-bansa maraenga tunduki mae ri nakke na mannuruki punna nalangngere' parentaku.

YESAYA 25:3

LanipujiKi' ri bansa-bansa makassaka, siagang lanikamallakkangKi' ri kota-kotana sikamma bansa pallaka.

YESAYA 40:26

Ciniki langika, siagang parhatikangi! Inaika ampa'jari sikamma bintoenga? Ia angngatoroki ke'nanga rapang pasukang, Naassengi angkana siapa jaina ke'nanga, nampa massing Nasare areng. Tena manna se're tappela', lanri lompona koasaNa Batara!