PAMMUJI 65:2 - KITTA' MATANGKASA'

² Siratangi ikambe mammuji ri Katte ri Sion, o, Allata'ala, na narupai janjinna ikambe mae ri Katte.

PAMMUJI 65:2 Referans Kwoze

YESAYA 65:24

Tenapa nappala' ke'nanga, naKuppialimo; tenapa nale'ba' ke'nanga appala' doang naKuturukiammo pappala'na ke'nanga.

YESAYA 66:23

Tunggala' Bulang Beru siagang allo Pammari-marianga labattui sikontu umma' rupataua untu' anynyomba ri Nakke ri Yerusalem.

PAMMUJI 86:9

Sikontu bansa Kipa'jaria labattu ngasengi, o, Batara, untu' anynyomba mae ri Katte siagang mammuji ri kalompoanTa.

PAMMUJI 66:19

Mingka Napilangngerima' Allata'ala, Naparhatikammi pappala' doangku.

LAMPA-LAMPANA 10:31

Nakana ri nakke, ‘Kornelius! Natarimami Allata'ala pappala' doannu, siagang Nau'rangimi pa'mai' baji'nu.

2 PATTOTTORANG 33:13

Naturukiammi Allata'ala pappala'na Manasye siagang nipoterammi mange ri Yerusalem untu' ammarenta poleang. Passala' anjo kajarianga a'jari tappa'mi Manasye angkanaya Iaminjo Batara, Allata'ala matojenga.

1 KARAENG-KARAENG 18:37

Appiali maKi', o Batara! Kipialima', sollanna naasseng anne ra'yaka angkanaya iKatte, o Batara, iKattemi Allata'ala, siagang iKattemi lampata'gilingi ke'nanga mae ri Katte.”

PAMMUJI 66:4

Sikontu linoa su'juki anynyomba ri Katte, akkelongi ke'nanga ampuji arenTa.”

PAMMUJI 102:17

punna nabangung Batara ammotere' Sion, na maju lalang ri kalompoanNa.

PAPPICINI' 11:15

Nampa napasa'ra tarompe'na malaeka' makatujua; na nia'mo nilangngere' ri suruga sa'ra-sa'ra sannaka lompona, angkanaya, “Kamma-kamma anne nia'mi lalang limanNa Batarata siagang Karaeng Mappasalama' Napa'janjianga kakoasanga untu' ammarenta ri anne linoa, iamintu Karaeng Mappasalama' Napa'janjianga. Lammarentai sa'genna satunggu-tungguna!”

YOHANES 12:32

Mingka iNakke anne, punna le'ba'Ma' nipakatinggi ri linoa, laKubeso' ngasengi sikontu taua mae ri Nakke.”

YESAYA 49:6

Nakana Batara ri nakke, “He atangKu, attayangi tugasa' lompoanganga ri kau; tena nanupoterang bawang sesa turunganna Yakub siagang nupoterang kalompoanna suku-suku Israel, mingka Kupa'jari tongko singara' mae ri bansa-bansaya, sollanna nipasalama' sikontu bonena linoa.”

PAMMUJI 22:27

Tu kasi-asia langnganrei sa'genna bassoro'; tau battua mae ri Batara lamammuji ri Ia. Poro salewangang ngasengko sa'genna satunggu-tungguna!

1 KARAENG-KARAENG 18:29

Kammaminjo situlusu'na nagaukang ke'nanga sa'genna karueng, sangkamma nicini' tunisoso' ri setang. Mingka tena appiali ri ke'nanga, tena amparhatikangi.

PAMMUJI 66:13

Langngeranga' koro'bang nitunu mange ri BallatTa na kurupai janjingku mae ri Katte,

PAMMUJI 116:14

Lakurupai janjingku ri Ia ri dallekanna sikontu umma'Na.

PAMMUJI 116:18

Lakurupai janjingku mae ri Batara, ri dallekanna sikontu umma'Na

NAHUM 2:1

He Niniwe, pilangngeri! Nia'mi battu eroka ampanrakiko! Jagai tembo'-tembo' pattahangnganga! Jannangngi aganga! Sadiako untu' a'bundu'. (