PAMMUJI 65:11 - KITTA' MATANGKASA'

¹¹ Kipalo'lori je'ne' bate pa'jekona Kibasai pa'gompoang-pa'gompoang buttana. Kipa'jari coppongi buttaya siagang bosi, nampa Kitanggongi copponna sikamma cu'la' lamung-lamunna.

PAMMUJI 65:11 Referans Kwoze

PAMMUJI 103:4

Ia ampakabebasaki nyawanu battu ri kuburuka, assareko pangngamaseang alla'bi-la'bi.

PAMMUJI 5:12

Poro rannu pa'mai' ngaseng tu ma'la'langa ri Katte na tuli ma'reja-reja satunggu-tungguna. La'langi sikamma tu mangngaia ri Katte, sollanna rannu ke'nanga lanri iKatte.

PAMMUJI 36:8

Tamaka lompona anggaranna pangngamaseanTa, o, Allata'ala, a'la'langi rupataua lalang ri la'lanna ka'nyitTa.

HAGAI 2:19

Manna pole natenamo gandung ammantang, siagang poko' anggoro', poko' ara, poko' delima siagang poko' zaitunga tenapa kabusuppa na'rappo, mingka appakkaramula anne wattua laKubarakkaki ngaseng mako!”

PANGNGEBARANG 14:18

Tau tenaya pangalamanna la'jari dongoki; tau cara'deka lapila' katambangi pangngassenganna.

MALEAKHI 3:10

Erang ngasengi bage sampulona panggappannu mange ri BallakKu sollanna nia' kanre alla'bi-la'bi anjoreng. So'riMa', nalanucini' angkanaya Kusungkei sikamma pakke'bu'na surugaya siagang Kupila'juiko kabajikang.

YO"EL 2:14

Barang ero'ji Karaeng Allata'alanu ampinrai ero'Na, na Nabarakkakiko alla'bi-la'bi. Sa'gennu akkulle ngaseng angngerang passare koro'bang anggoro' siagang gandung mae ri Batara, Allata'alanu.

PAMMUJI 25:10

Tau mannurukia ri parjanjianNa siagang hukkunNa, Nagau' kamasei siagang tamamminrayai.

PAMMUJI 104:3

siagang ambangungi ballatTa ri tompo' je'neka ri langi'. Rammang-rammanga Kipa'jari kareta, ka'nyi'na anging Kidongkoki.

ROMA 11:17

Anjo tangke-tangkenna poko' zaitunga – iamintu pangngebaranna tu Yahudia – le'ba'mi nitoto sipa'rua. Nampa anjoreng ri bate le'baka nitoto nipaccangkokimi tangke poko' zaitun tenaya niparakai, iamintu pangngebaranna ikau bansa maraenga. Nipacangko' mako mae anjoreng sollanna nukasia' sikamma kabajikang battua ri katallassang rohanina tu Yahudia.

AYUB 36:28

Napaturungi bosia battu ri rammanga; Napasirangi irateanna rupataua.

PAOLE 11:12

Naparakai Karaeng Allata'alanu anjo pa'rasanganga siagang najagai a'bujuru' taung.

AYUB 5:10

Appaturungi bosi ri buttaya, sa'genna nabasai kokoa siagang paranga.

PAMMUJI 68:10

Allumpai Kipaturung bosia, nampa Kipa'jari baji' butta rosotTa.

PAMMUJI 104:13

Battu ri langi' Kipaturung bosia ri moncong-monconga, rassi linoa siagang bate paretTa.