PAMMUJI 63:5 - KITTA' MATANGKASA'

⁵ Lalang sikontu umurukku appala' sukkurukka' mae ri Katte; kuangkaki limangku kuppala' doang ri Katte.

PAMMUJI 63:5 Referans Kwoze

YESAYA 25:6

Ri Bulu' Sion, lappasadiai Batara Kaminang Makoasaya parjamuang untu' sikontu bansaya ri lino. Appatalai kanre kaminang nyamanga siagang anggoro' nipilea.

PAMMUJI 43:4

Kulamange ri tampa' pakkoro'bangnganNa Allata'ala, andallekang ri Allata'ala kabattuanna kate'neangku. Lamakkelonga' siagang lakkarena kacapi, untu' ampujiKi', o, Allata'ala, Allata'alaku.

PAMMUJI 17:15

Mingka lamacconga' accini' mae ri Katte, lanri tena nakusala. Ri wattungku ambangung, kahaderanTa ampakarannui pa'maikku.

PAMMUJI 135:3

Pujimi Batara, saba' Ia bajiki, pujimi arenNa, saba' lammoro' pa'maiki.

PAMMUJI 71:23

Akkio' marannua' ma'reja-reja, na kumakkelong mammuji ri Katte. Nyawaku siagang tubuku makkelong rannu, saba' le'ba'ma' Kipasalama'.

PAMMUJI 65:4

Teai sipato' battala'na dosa-dosaku, mingka iKatte ampammopporanga'.

YEREMIA 31:4

Bansanu laKupa'jari porei sangkamma riolo. Sikalipi pole langngalleko rabana, siagang a'jogekko napakamma rannu.

KELONG MALA'BIRI' 1:4

Umba linta', o, karaengku, eranga' antama' ri kamara'nu. Lanri ikau nama'reja-reja ngaseng ikambe, mammuji ri pangngainu la'bia na anggoro'; siratang memangi tuloloa ero' ri kau!

PAMMUJI 104:34

Poro anggappa pangngellai battu ri Ia kelong-kelongku, saba' Iami ampa'jari rannui pa'maikku.

PAMMUJI 96:6

Nikalimbuki ri kalompoang siagang kala'birang, Balla'Na rassi kakoasang siagang kaga'gang.

PAMMUJI 104:33

Erokka' akkelong mae ri Batara lalang tallasakku, akkelong pammuji mae ri Allata'alaku lalang niakku ija.

PAMMUJI 134:2

Angkaki na nupatara limannu ri tampa' matangkasaka, siagang pujimi Batara!