PAMMUJI 62:4 - KITTA' MATANGKASA'

⁴ Sa'genna kere wattu ikau ngaseng ambakkai tau sanrapangamo rinring tattiling siagang tembo' la'biringamo rumbang?

PAMMUJI 62:4 Referans Kwoze

PAMMUJI 55:21

Le'ba' belaku nabunduki agang-aganna, nakaluppai janjinna.

PAMMUJI 28:3

Teaki' tumpassia' assama siagang tu dorakaya, siagang tu a'gau' ja'dalaka. Sanna' sombere'na kana-kananna ke'nanga, mingka atinna lalang teai sipato' botto'na.

PAMMUJI 5:9

O, Batara, tamaka jaina musungku! Renrenga' untu' anggaukangi erotTa, naKipicinikianga' oloang mustia kuolo.

ROMA 7:22

Atingku lalang nangai apa-apa Napassuroanga Allata'ala,

PAPPICINI' 22:15

Mingka sikontu tau anggaukangai apa-apa tenaya matu-matunna, tau ammakea pangngissengang baca-baca, tau a'gau' bawanga, tau ammunoa, tau anynyombaya barhala, siagang tau a'balle-ballea, baji' na'balle-balle lalang bicara yareka lalang panggaukang, sikontu anjo tau kammaya pantaranganna ngasengi anjo kotaya tampa'na.

ROMA 1:32

Naassenji ke'nanga angkanaya siratangi nihukkung mate situru' hukkunNa Allata'ala tau a'gau' kammaya ngaseng anjo. Mingka manna nakamma nagaukang tonji ke'nanga panggaukang-panggaukang kammaya; ba'lalo nasitujui tongi ke'nanga a'gau' kamma todong tau maraenga.

PAMMUJI 52:3

He, tau kassaka, angngapa nupattampo-tampoang kaja'dallannu mae ri tau Nakamaseanga Allata'ala?

YOHANES 8:44

Ia manggenu iamintu Billisika, naia eroka nuturuki iamintu ero'na manggenu. Battu ri uru-urunaji napabuno memang anjo Billisika. Tena le'bakai mae ri katojenganga, lanri tena katojengang ri kalenna. Punna a'balle-balle, anjo biasa memanji ri ia, nasaba' kamma memanjinjo sipa'na. Iami paballe-balle, siagang iami nakabattui sikontu balle-ballea.

LUKAS 20:20

Jari a'boyami ke'nanga kasampatang baji'. Nia'mo se're tau nagaji ke'nanga sollanna assara-sarai a'jari tau lambusu' pa'mai', nampa nasuro anjo taua mange akkuta'nang siagang ampa'boyangi kasalang Isa. Napa'boyangi kasalang Isa, sollanna akkulle ke'nanga a'jamma' mae ri kakoasanna guburnurka, nanijakkala' Isa.

LUKAS 11:39

Lanri kammana, Nakanamo Isa ri anjo tu Farisia, “Memang ikau tu Farisia, biasana nutangkasi bageang pantaranganna mangkoka siagang piringa; mingka bageang lalanganna sanna' ra'masa'na lanri tena nutangkasi. Kamma tomminjo sanrapanna bageang lalanganna kalennu, teai sipato' ra'masa'na napakamma sekke' siagang kaja'dallang.

MATIUS 27:1

Ri bari'basa' dudua, natappukimi sikontu kapala imanga kammayatompa pamimping-pamimpinna tu Yahudia, angkanaya lanabunoi Isa.

MATIUS 22:23

Ia todong anjo alloa nania' siapa are tu Saduki battu mae ri Isa. Anjo tu Sadukia tena natappa' angkanaya lattallasa' poleangi tau matea.

MATIUS 22:15

Le'baki anjo a'lampami tu Farisia sipa'bicara; eroki ke'nanga a'boya pakkuta'nang sollanna akkulle nakuta'nang Isa nasala pappialinNa.

MATIUS 2:16

Naassenna Herodes angkanaya nitipui ri anjo tucara'deka accini' bintoeng niaka battu raya, tamakami larrona. Appasulu'mi parenta, assuro buno ngasengi sikontu ana'-ana' bura'ne niaka lalang ri Betlehem siagang ri ampi'-ampi'na, ia umuru' ruan taunga siagang irawangannaya. Anjo umuruka appakkaramulai nirekeng ri wattu pammumbana anjo bintoenga, situru' le'baka napau anjo tucara'deka accini' bintoeng.

HOSEA 7:3

Nakana Batara, “Napakei akkala' balle-ballena siagang panggaukang-panggaukang ja'dala'na ra'yaka untu' ampakasannangi atinna karaenga siagang sikamma pagawe-pagawe pamarentaya.

PANGNGEBARANG 13:5

Tau lambusuka nakabirisi nikanaya balle-balle, gau'-gau'na tau ja'dalaka appakasiriki na nicalla.

PAMMUJI 119:163

Sikontu balle-ballea kukabirisi, mingka hukkunTa kungai.

PAMMUJI 51:6

Mae ri Katte, mae ri Katte bawang kudoraka, kugaukang apa Kikanaya ja'dala'. Jari siratang memang tongi punna Kihukkunga', adeleki kaputusanTa.

YESAYA 30:13

Lanri kammana anjo sala ngaseng mako. Rapangko tembo' tinggi a'lattaya battu rate sa'genna naung; larumbang silalonnako.