PAMMUJI 62:3 - KITTA' MATANGKASA'

³ Iaji bawang anjagaia' siagang ampasalamaka', Ia angngagangnganga', tena kulata'lengga.

PAMMUJI 62:3 Referans Kwoze

YEREMIA 4:14

Yerusalem, pelaki kaja'dallanga battu ri atinnu sollannu nipasalama'. Siapapi sallona anjo pikkirang-pikkirang ja'dalaka lanuboli' ri atinnu?

PAMMUJI 140:2

Kilappassanga' battu ri tau ja'dalaka, o, Batara, Kijagaia' battu ri tau anggaukangai katerassanga.

PAMMUJI 82:2

“Tea' mako angngadeli pole siagang jekkong, tea' mako agangngangi pole tau ja'dalaka.

PANGNGEBARANG 1:22

“He tau dongoka! Siapa sallonu tuli lakamma? Kerepi wattu nanupammari ambawang-bawangngangi pangngassenganga siagang ansorongbokoi pappilajaranga?

PAMMUJI 38:12

A'lili ngasemmi bela-belaku lanri garringku, ba'lalo bija pammanakangku bella ngasemmi ri nakke.

PAMMUJI 21:11

Tena latassesa battu ri turunganna ke'nanga, lanitumpasa' ngasengi ke'nanga ri karaenga.

KALAPPASSANG 16:28

Nakanamo Batara mae ri Musa, “Siapapi sallonu taeroka mannuruki ri sikamma parentaKu?

HOSEA 7:15

Manna pole naiNakke ampakalompoi siagang ampakagassingi ke'nanga, mingka assikongkoloki ke'nanga angngewa ri Nakke.

PAMMUJI 4:2

O, Allata'ala, iKatte pambelaku; punna kumakkio' Kipialia'. Ri wattungku susa, Kitulunga'; anne kamma kamaseanga' naKipilangngeri pappala' doangku.

PANGNGEBARANG 6:9

Sa'genna siapa sallona anjo tau malasaka latinro? Angngapapi nambangung?

1 SAMUEL 26:10

Lanri Batara mattallasaka, kuassengi angkanaya sallang KalenNa Batara lambunoi Saul, punna narapi'mo a'jala'na, yareka punna matei lalang bundu'.

KALAPPASSANG 10:3

Nampa a'lampami Musa siagang Harun mange andallekang ri karaenga na nakana ri ia, “Batara, Allata'alana bansa Ibrani, appasangi angkana, ‘Siapapi sallonu taeroka tundu' mae ri Nakke? Lappassammi ummakKu a'lampa, sollanna akkulle ke'nanga nagaukang ibadana mae ri Nakke.

MATIUS 17:17

Appialimi Isa angkana, “Teaiko anne sipato' ngaseng! Ma'nassa tau sala oloang ngasengko siagang tena ngaseng tappa'nu. Siapapi salloKu lammantang siagang lasa'bara' ri tangnga-tangnganu ngaseng? Erangi mae anjo anaka!”

PAMMUJI 16:8

Tuli mangngu'rangia' ri Batara; niaki ri sa'ringku, Iami saba' natena kuta'lengga.

PAMMUJI 18:3

Batara sanrapang pa'la'langngang makassakku tampa' pa'la'langangku. Allata'alaku sanrapang moncong batu tampa' pa'la'langangku. Sanrapang pa'lapa' antongkokia', siagang anjagaia' kutuli amang.

PAMMUJI 125:1

Kelong siara. Tau tappaka mae ri Batara, sanrapangi Bulu' Sion majarre' tama'lenggaya, attahang satunggu-tungguna.

LAMPA-LAMPANA 24:9

Amminawang ngaseng tommi sikamma tu Yahudi niaka anjoreng antudui Paulus. Siagang napakkontu tojemmi ke'nanga sikamma anjo apa le'baka napau Tertulus.