PAMMUJI 60:7 - KITTA' MATANGKASA'

⁷ Kipasalama' laloi ikambe siagang koasaTa, Kipiali laloi pappala' doanna ikambe, sollanna nipasalama' sikamma tau Kikamaseanga.

PAMMUJI 60:7 Referans Kwoze

PA'JARIANG 49:10

Yehuda lanna'gala' takkang kakaraengang. Turunganna lammarenta satunggu-tungguna. Bansa-bansaya langngerangi passare, nasu'ju' tundu' ri dallekanna.

PAOLE 33:17

Rapangi sapi romanga kassa'na Yusuf, assa'bu tu Manasye siagang Efraim a'jari tanru'na. Naulaki bansa-bansaya naondang ke'nanga sa'genna cappa'na linoa.”

YOSUA 13:31

Nampa antama todong bageruanna daera Gilead, siagang Asytarot siagang Edrei, iamintu ruaya ibukotana daera kakoasanna Karaeng Og ri Basan. Sikontu anjo daeraya nipassareangi mae ri bageruanna kaluarga-kaluarga jari-jarina Makhir, ana'na Manasye.

1 PATTOTTORANG 12:19

Ri wattunna Daud siagang tu Filistin ambunduki Karaeng Saul, nia' sipa'gang battu ri tantara suku Manasye a'limbang mange a'jari agang ri Daud. Sikontutojenna tena nabantui Daud anjo tu Filistin. Nisuroi ri sikamma pamimpinna tu Filistin ammotere' mange ri Ziklag lanri nakamallakkangi ke'nanga angkana laagang mangei ri Karaeng Saul anjo Daud siagang a'jari bali mae ri ke'nanga.

YOSUA 17:1

Siapa are bageang ri bageang laukanna Binanga Yordan nipassareangi mae ri bageruanna kaluarga-kaluarga Manasye, ana' toana Yusuf. Makhir, manggena Gilead, iami ana' toana Manasye. Nasaba' ia se'rei tantara pejuang, jari daera Gilead siagang Basan niaka irayanganna Binanga Yordan nipassareang mae ri ia.

1 SAMUEL 28:2

Appialimi Daud angkana, “Tantumi, sallampi nakicini' karaeng, angkana apa akkulle nagaukang anne atanta.” Nampa nakanamo Akhis, “Baji'mi! Kuangka' mako a'jari pangawalakku attantua.”

PAMMUJI 108:7

Kipasalamaki ikambe siagang koasaTa, Kipilangngeri pappala' doanna ikambe, sollanna nipasalama' sikamma tau Kikamaseanga.