PAMMUJI 60:5 - KITTA' MATANGKASA'

⁵ Kibalang parekangi ummatTa angkasiaki pa'risi' lompoa; ta'royong-royongi ikambe sanrapang tau nasa'ring.

PAMMUJI 60:5 Referans Kwoze

PAMMUJI 17:7

Kipicinikianga' pangngamaseang malompoTa saba' Kipasalamaki tau ma'la'langa mae ri Katte, amangi ke'nanga ri sa'rinta battu ri pa'bakkana musua.

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

PAMMUJI 18:35

Nalatia' untu' a'bundu', sa'genna akkulle kupabantang anrong pana kaminang kassaka.

KALAPPASSANG 15:6

Tamaka mappakalannasa'na kagassinganTa, o Batara, Kipaccappuki musunTa tasimbung-simbung.

MATIUS 17:5

Lalang a'bicarana Petrus, nia'mo rammang accaya manaung irateanganna ke'nanga. Nania'mo sa'ra kalangngerang battu lalang ri anjo rammanga angkana, “Iaminne Ana' nikamaseangKu. Napakate'nei atingKu. Pilangngerimi kananNa!”

PAMMUJI 74:11

Angngapa natenamo Kitulungi ikambe? Angngapa Kipapantarang limanTai anne ikambe?

PAMMUJI 60:12

O, Allata'ala, tenaka Kimminawang siagang ikambe? Tenaka Kimaju siagang tantarana ikambe?

MATIUS 3:17

Nampa nia' kalangngerang sa'ra battu rate ri langika angkana, “Iaminne AnakKu Kukamaseanga. Iami nakate'neang atingKu.”

YEREMIA 11:15

Nakana Batara, “UmmakKu Kukamaseanga nagaukammi apa-apa ja'dalaka. Tenamo nasiratang ke'nanga antama' ri BallakKu. Nakapangi ke'nanga angkanaya lanri appare' janji-janji, siagang lanri assare olo'-olo', akkullei napalili ke'nanga balaya. Maka lanri kammana anjo nakkulle ke'nanga ammeta?

PAMMUJI 127:2

Tena matu-matunna anjama battalaka a'boya dalle', ambangung bari'basa' siagang attinro lantang bangngi; saba' Napasadiai Batara untu' tau Nakamaseanga, lalang attinrona ke'nanga.

PAMMUJI 22:8

Yangaseng accinika ri nakke, nacau-caua', nabibeia' munceng na napammenggong ulunna.

PAMMUJI 20:6

Na makkio' marannu ikambe lanri pammetannu, nimangngangka' bate-bate untu' mammuji ri Allata'alata. Poro Napa'jari Batara sikontu pappala'nu.

PAOLE 33:12

Ri sesena suku Benyamin nakana: “Iaminne suku Nakarimangngia Batara. Nala'langngi allo bangngi; ammantangi Batara ri tangnga-tangngana ke'nanga.”

PAOLE 33:3

Nakarimangngi Batara bansaNa, Nala'langngi taunNa. Umba kisu'ju' ri dallekang bangkenNa siagang mannuruki ri parenta-parentaNa.

PAMMUJI 71:20

Kipitujuia' jai kapa'risang lompo, mingka iKatte lampoterangi kagassingangku siagang lampabangunga' ammotere' battu ri kuburuka.

PAMMUJI 75:9

Anjo larroNa Allata'ala sanrapangi cangkiri' pangnginungang ri limanNa, anjo cangkirika anggoro' terasa' bonena. Natumpai Allata'ala bonena, sikontu tau ja'dalaka ri lino musti nainungi sa'genna la'busu'.

YESAYA 51:17

Ambangungko, he Yerusalem, ambangung mako! Hukkungang Napabattua Batara lanri larroNa le'ba'mi nujappai sa'genna la'busu'.