PAMMUJI 60:4 - KITTA' MATANGKASA'

⁴ Kigoccangi linoa sa'genna a'jari te'ngere'; Kipakabajiki sikamma reppeka, saba' ta'lenggai linoa.

PAMMUJI 60:4 Referans Kwoze

PAMMUJI 20:5

Poro Nasareko sikontu nukaerokia, na Napa'jari sikamma rancananu.

YESAYA 11:12

Lappanaiki Batara se're bandera untu' bansa-bansaya. Iaminjo pammatei angkanaya laNapasse'rei ammotere' bansa Israel siagang Yehuda ia tassiaraka mae ri sikontu buttaya, nampa naerang ke'nanga ammotere'.

KALAPPASSANG 17:15

Nampa appaentemmo Musa se're tampa' pakkoro'bangngang na naareng “Batarami Banderaku”.

YESAYA 13:2

Pakapeki sikamma bandera pa'bundukannu ri coppo'na bulu' a'gondoloka! Akkiokko mae ri sikamma tantaraya, panaiki limannu sollanna maju ke'nanga anrumbangi pakke'bu' lompoa kota tampoa anjo.

YESAYA 5:26

LaNakioki Batara bansa bellaya na labattu ke'nanga linta'!

KELONG MALA'BIRI' 2:4

Naeranga' mae ri tangngana pa'gaukanga, paccini'na ri nakke sangnging pangngai.

YESAYA 49:22

Nakana Batara Kaminang Tinggia mae ri umma'Na, “LaKusarei pammatei bansa-bansaya na lanapoterang ana'-ana'nu; ana'-ana'nu bura'nea lanakalawingi, na ana'-ana'nu bainea lanapisangi rate ri salangganna.

YESAYA 59:19

KoasaNa siagang kala'biranNa lanakamallakkangi sikontu taua battu raya sa'genna kalau'. Labattui rapang binanga sarringa lo'loro'na, nipammarrunga ri anging kancang.

PAMMUJI 45:4

Sele'mi pa'dannu ri aya'nu, he ikau karaeng barania, sanna' malomponu siagang accayanu!