PAMMUJI 60:3 - KITTA' MATANGKASA'

³ Kitollaki ikambe, o, Allata'ala, siagang Kibalang parekangi ikambe nibeta. LarroKi' mae ri kambe; kamma-kamma anne Kibajiki lalomi ammotere' ikambe.

PAMMUJI 60:3 Referans Kwoze

PAMMUJI 71:20

Kipitujuia' jai kapa'risang lompo, mingka iKatte lampoterangi kagassingangku siagang lampabangunga' ammotere' battu ri kuburuka.

YESAYA 51:22

Kammaminne kananNa Bataranu, Karaeng Allata'alanu angngalleangako, “Ia passessa Kupabattua mae ri kau lalang larroKu, laKuallei ammotere' battu ri kau. Lanaungi larroKu, siagang tea' mako tanggongi pole.

YESAYA 51:17

Ambangungko, he Yerusalem, ambangung mako! Hukkungang Napabattua Batara lanri larroNa le'ba'mi nujappai sa'genna la'busu'.

YEREMIA 25:15

Batara, Allata'alana Israel, Nakana ri nakke, “Allei anne kaca anggoro' le'baka Kubonei anggoro' pangngalarroingKu. Erangi mange ri sikontu bansa nupa'lampaia Kusuro, siagang suroi ke'nanga angnginungi anne anggoroka.

PAMMUJI 75:8

Mingka KalenNa Allata'ala angngadeli, Ia ampanaungi tau se'rea na napakatinggi maraenga.

PAPPICINI' 18:16

nampa angkana, “Adudu, teai sipato' cilakana anne kota masahoroka! Biasana ammakei kaeng lenang, kaeng lango-lango siagang kaeng eja a'rinraya tanja'na; biasana rassi kalenna belo-belo bulaeng, paramata siagang mutiara!

PAPPICINI' 16:19

Assisa'la'mi anjo kotaya ta'bage tallu, siagang ancuru' tommi kota-kotaya ri sikontu pa'rasanganga ri linoa. Nampa Nau'rangimo Allata'ala anjo Babel lompoa. Jari Napainummi Allata'ala anjo Babel anggoro' battua ri pammoneang anggoro'Na Allata'ala – iamintu anggoro' pangngalarroi lompoNa.

HABAKUK 2:16

Kamma-kamma anne narapi'mi wattunnu untu' nipakasiri', siagang tena nanipakalompoko. Kalompoannu lanipinrai a'jari katunang. LaNapassako Batara angnginung battu ri cangkiri' niboneia ri hukkungang untu' kalennu. Lanuinungi nampa ta'royong-royongko.

DANIEL 9:12

TindakanTa sicoco' le'baki apa le'baka Kipa'janjiang mae ri kambe siagang mae ri pamarentana ikambe. Le'ba'mi Kihukkung kota Yerusalem la'bi sannakkangngang nakota maraenga ri anne linoa.

PIRAUNG 4:21

He bansa Edom siagang Us, ammakkala' mako, rannu mako lalang nukullena! Balaya labattu tongi mae ri kau na lanusolarri kalennu lanri nasa'ringko.

NEHEMIA 9:32

O, Allata'ala, Allata'alana ikambe magassinga! Allata'ala malompoa siagang hebaka! MajarrekKi' anta'galaki sikontu parjanjianTa; Kirupai siagang Kigaukangi janji-janjinTa. Battu ri jammang sikamma karaeng Asyur anjallakkangi ikambe sa'genna kamma-kamma anne jaimi pa'risi' nakasia' ikambe. Sikamma karaenna ikambe, imang, na'bi siagang tutoa-toaya, kammayatompa boena ikambe siagang ra'yaka pa'risi' ngaseng. Teaki' kaluppai anjo pa'risika! Teaki' pelakki ri pangngu'ranginTa!

PAMMUJI 80:4

O, Allata'ala, Kipammollei ikambe; lammoro' pa'mai' maKi' anciniki ikambe, nalasalama' ikambe.

PAMMUJI 80:8

O, Allata'ala Kaminang Koasaya, Kipammollei ikambe lammoro' pa'mai' maKi' anciniki ikambe, sollanna salama' ikambe.

PAMMUJI 85:5

Kipakabajiki ammotere' ikambe, o, Allata'ala Tumappasalama'na ikambe, tea' maKi' kalarroi pole ikambe.

PAMMUJI 89:39

Mingka anne kamma larroKi' mae ri karaenga, Kipelaki siagang Kitollaki tu nipileTa.