PAMMUJI 60:2 - KITTA' MATANGKASA'

² ri wattunna nabunduki tu Aram Mesopotamia siagang tu Aram-Zoba, siagang ri wattunna ammotere' Yoab nanabeta 12.000 tu Edom ri Ka'bung Asin.

PAMMUJI 60:2 Referans Kwoze

2 PATTOTTORANG 7:14

nampa napake arengKu anjo UmmakKu ampakatunai kalenna, siagang appala' doang kammayatompa battui mae ri Nakke na nabokoi panggaukang ja'dala'na ke'nanga, laKupilangngeri battu ri suruga pappala' doanna ke'nanga. LaKupammopporangi dosa-dosana ke'nanga siagang Kupa'jari coppongi pa'rasanganna ke'nanga ammotere'.

HOSEA 6:1

Nakana tu Israel, “Umba kimmotere' mae ri Batara. Ia ampa'risi nyawata mingka Ia todong ansaleori. Ia allokoki, mingka Ia todong lamballei anjo bokka'-bokkatta.

YESAYA 30:26

Bulanga laccayai sangkamma mataallo, siagang mataalloa la'lappi tujui singara'na ri singara' biasaya, sanrapang singara' tuju alloa nipasse're a'jari se're. Yangasenna anjo lakajarianga ri wattu Naroko'na Batara sikamma loko'na umma'Na, ia le'baka Napangngajari.

YEHEZKIEL 34:16

Ia tappelaka laKuboyai, ia lingua laKuerangi ammotere', ia lokoka laKurokoki loko'na, ia garringa Kuballei; mingka co'moka siagang gassinga laKupanraki, lanri iNakke pakalawaki anggaukangi apa bajika.

YEREMIA 48:38

Irate ri sikontu tompo'na ballaka siagang ri sikamma paranga, sangnging karru' mami nilangngere'. Nasaba' Moab le'ba'mi Kureppe' rapang katoang tenayamo ningai.

YEREMIA 10:10

Mingka iKatte, Batara, Allata'ala tojenga, Allata'ala assarea katallassang, Karaeng mannannunganga. Punna larroKi', ta'ge'gosoki buttaya, Punna nassuKi' tattahangngai bansa-bansaya. (

YEREMIA 4:24

Kuciniki monconga siagang bulu'-bulu' tinggia teai sipato' batena ta'goccang.

YESAYA 5:25

Larroi Batara mae ri bansaNa. Sadiami untu' anghukkungi ke'nanga. Lata'ge'gosoki sikamma monconga; maya'-maya'na tau matea latassiaraki rapang loro ri sikamma aganga. Mingka larro iji Batara siagang tuli laNagaukanna hukkunganNa.

PAMMUJI 18:7

Makkioka' ri Batara lalang ri kasukkarangku, makkioka' ri Allata'alaku appala' pannulung. Battu ri Balla'na Nalangngereki sa'rangku na Naparhatikang pakkiokku.

MATIUS 27:51

Anjo wattua sinre'mi gordenga lalang ri Balla'Na Batara, ta'bage rua battu rate sa'genna naung. Ta'ge'goso'mi buttaya, siagang ta'bage ruami bulu' batua.

HABAKUK 3:10

Punna nacinikKi', ta'goccangi moncong-monconga naturung bosia battu ri langi' rapang nitumpa. Ammarrungi sa'ranna je'neka irawa ri buttaya, ta'gulung-gulung bombanga rapang a'jallo'.

AMOS 8:8

Lamme'bereki buttaya, siagang sikontu taua lasusa kabusuki nyawana. Sikontu pa'rasanganga lata'goccangi siagang kammai nitoeng Binanga Nil.

YEREMIA 30:17

Manna pole nakana musunnu, ‘Sion le'ba'mi nipela', siagang taenamo amparhatikangi,’ mingka laKupa'jari bajikko ammotere', siagang laKuballei bokka'-bokka'nu.”

YEREMIA 14:17

Nasuroa' Batara ampauangi si'naku mae ri umma'Na. Musti akkana' kamma anne, “Boli'ma' tenammariku angngarru', allo bangngi ammatti' je'ne' matangku. Nasaba' loko' sanna'mi bansaku siagang teai sipato' sessana

PAMMUJI 114:7

He butta, annekkerekko ri dallekanNa Batara, ri dallekanNa Allata'alana Yakub,

AYUB 9:6

Napage'gosoki Allata'ala buttaya sa'genna ta'goccang linoa, siagang a'gio' benteng pattumpa'na linoa.

YESAYA 7:8

lanri anjo Siria tena nakassakkangngang na ibukotana iamintu Damsyik, kammayatompa anjo Damsyik tena nakassakkangngang na Karaeng Rezin. Nampa lalanna annampulo allima taung, lata'bage-bagei Israel sa'genna takkulleami attahang a'jari se're bansa.

PAMMUJI 104:32

Naciniki buttaya na'jari annekkere'mo buttaya, nasentoki moncong-monconga, sa'genna assulu' umbunna.

PAMMUJI 89:40

Kikaluppai parjanjianTa siagang atanTa, Kipasambilai empoang kala'biranna antama ri cammaraka.

AYUB 5:18

Saba' Allata'ala amma'risi, Ia todong ammallei. LimanNa annunrung, limanNa todong appakabaji' ammotere'.

PIRAUNG 2:13

O Yerusalem, Kota Sion ningaiku, rapangi tamparang lompoa sanna'na runtunnu. Apami kutadeng lakukana untu' assareko panynyaleori? Nasaba', tena niakkapa tau ballasa' sangkamma ikau. Sitojeng-tojenna tenamo tau akkulle assareko kabajikang.

2 SAMUEL 22:8

Nampa ta'goccang linoa siagang ta'ge'goso' lanri kalarroanNa Allata'ala!

KALAPPASSANG 15:11

Kereangami Allata'ala sangkammanTa, o Batara Kaminang Tinggia siagang matangkasaka? Inai akkulle appare' gau' malompo siagang gau' appakalannasa' kamma Batara?

2 SAMUEL 8:1

Siapa are sallona ribokoanganna Karaeng Daud nabundukimi pole tu Filistin. Nabetami ke'nanga siagang naallemi buttana ke'nanga.

1 PATTOTTORANG 18:3

Nampa nabeta Daud Karaeng Hadadezer, iamintu karaeng ri Zoba ri ampi'na daera Hamat di pa'rasangang Siria. Anjo wattua sitabangi lalang pa'jappang Hadadezer untu' mange angkoasai daera niaka ri ampi'na ulunna Binanga Efrat.

1 PATTOTTORANG 18:5

Akkirimmi tu Siria battu ri Damsyik tantara untu' ambantui Karaeng Hadadezer, mingka nabeta tongi Daud ke'nanga siagang nia' 22.000 jaina tau nabuno.

1 PATTOTTORANG 18:12

Abisai (amma'na niarengi Zeruya) ambetai siagang ambunoi 18.000 tu Edom ri Lappara' Asin,