PAMMUJI 6:4 - KITTA' MATANGKASA'

⁴ Tamaka linguna atingku; sa'ge kerea' wattu laKibokoi, o Batara?

PAMMUJI 6:4 Referans Kwoze

DANIEL 9:18

Kipilangngeri laloi ikambe, o Allata'ala, Kiciniki siagang Kiparhatikangi kasessanna ikambe kammayatompa kapanrakanna kota nigallaraka situru' arenTa. Appala' doangi ikambe mae ri Katte teai lanri jasa-jasana ikambe, passangalinna lanri lompo pangngamaseanTa.

PAMMUJI 17:13

Ammenteng maKi', o, Batara ewai musungku siagang naKibeta ke'nanga. Kipasalamakka' siagang pa'danTa battu ri pa'bakkana tau ja'dalaka.

MALEAKHI 3:7

Sangkamma boe-boenu riolo, ammengka ngaseng mako battu ri hukkung-hukkungKu siagang tena numajarre' anggaukangi. Ammotere' mako mae ri Nakke, na Kuammotere' todong mae ri kau. Mingka akkuta'nangko angkana, ‘Apa musti nagaukang ikambe untu' ammotere' mae ri Katte?’

PAMMUJI 121:7

LaNajagaiko Batara battu ri bahayaya, laNajagaiko sollanna salama' tallasa'nu.

PAMMUJI 116:4

Jari akkio'ma' mae ri Batara, angkana, “O, Batara, kupalaki, naKipasalamaka'!”

PAMMUJI 90:13

O, Batara, sa'genna siapa salloTa lalarro? Ammotere' lalo maKi' siagang Kikamaseangi ata-atanTa.

PAMMUJI 80:14

Nikekkeseki ri bawi romang sa'genna panra', na nikanre ri olo'-olo' paranga.

PAMMUJI 22:20

Mingka iKatte, teaKi' bellai, o, Batara, battu maKi' linta' antulunga', saba' iKattemi kagassingangku.

EFESUS 1:6

Nipujimi Allata'ala lanri la'biri'na kabajikang pa'mai'Na, le'baka allumpa Napa'nyata mae ri katte ri tete Ana'Na Nakarimangngia.

YESAYA 38:17

Pacceku tappinrai a'jari kasannangang, iKatte ampasalamaka' battu ri bahayaya; Kipammopporangi sikamma dosa-dosaku.

PAMMUJI 120:2

O, Batara, pasalamaka' battu ri paballe-ballea siagang patipua.

PAMMUJI 116:8

Napata'lappasa'ma' Batara battu ri kamateanga; Nasaleoria' siagang tena Nalappassanga' tu'guru'.

PAMMUJI 86:13

Saba' tuli Kikamaseanga' lalang pangngamaseang lompoTa; Kilappassammi nyawaku battu ri kali'bong kuburuka.

PAMMUJI 69:13

A'jari carita' ri tampa' pa'rappunganna taua, kelong-kelong tunasa'ringa inakke napitabai.

PAMMUJI 25:7

Pammopporangi dosaku siagang kasalangku ri wattu rungkaku, u'rangia' situru' pangngamaseanTa siagang kabajikanTa.

PAMMUJI 13:2

Sa'genna kere wattu Kikaluppaia', o, Batara? Sa'genna kere wattu Kipaccokkoanga'?

PAMMUJI 74:10

Sa'genna siapa sallona, o, Allata'ala, musua lancau-cauKi'? Sa'ge tulusu'naka ke'nanga langhinai arenTa?

PAMMUJI 79:5

O, Batara, maka lasitulusutTa larro, siagang a'rinra kamma pepe' kimburuTa?