PAMMUJI 59:3 - KITTA' MATANGKASA'

³ Kilappassanga' battu ri tau a'gau' ja'dalaka, pakabella' battu ri tau pabunoa.

PAMMUJI 59:3 Referans Kwoze

PAMMUJI 56:6

Sila'busu' alloi musua angkacoi parkaraku tulusu' usahana ke'nanga ero' ancilakaia'.

PAMMUJI 69:4

Akkio'-kiokka' sa'gengku mangngang nakalotoro'mo karro'-karrokku. Paccemi matangku antayangi pannulunNa Allata'alaku.

1 SAMUEL 24:11

Ciniki Bapa'! Ciniki anne polonna jubata anne nata'galaka atanta. Sitojenna akkullei atanta ambunoki', mingka poro napolonji bawang sike'de' atanta anjo biring jubata. Jari a'nassami angkanaya tena pikkirang ja'dala'na yareka dorakana atanta mae ri katte. Kiondang mange-mangei atanta lanri erotta ambunoi, manna natena kasalanna atanta mae ri katte manna sike'de' dudu.

PANGNGEBARANG 12:6

Kana-kananna tau ja'dalaka ammunoi; kana-kananna tau lambusuka appasalamaki.

YOHANES 15:25

Mingka musti kamma memang tommi anjo, sollanna a'rupamo apa tattulisika lalang ri Kitta' Hukkunna ke'nanga, iamintu: ‘NakabirisiA' ke'nanga, natena passabakkang.’

MIKHA 7:2

Tau lambusuka lanynya'mi battu ri pa'rasanganga, tau majarreka tappa'na mae ri Allata'ala tenamo nibuntulu'. Tunggala' taua massing attayangi kasampatang untu' ammuno. Massing attannangi sikko' untu' paranna tau.

LAMPA-LAMPANA 23:21

Mingka teaki' turukiangi pappala'na ke'nanga, nasaba' nia' tau la'bi patampulo accokko ero' anruppai Paulus ri aganga. Le'ba' ngasemmi ke'nanga assumpa angkanaya talangnganreai siagang talangnginungai ke'nanga punna tanabunoapi Paulus. Kamma-kamma anne sadia memammi attayang ke'nanga; kabara' pappialinta mami natayang ke'nanga.”

PAMMUJI 38:12

A'lili ngasemmi bela-belaku lanri garringku, ba'lalo bija pammanakangku bella ngasemmi ri nakke.

PAMMUJI 2:2

Assamai ambangung sikamma karaenna lino na situju sikamma pinggawaya mangngewa ri Batara karaeng nipileNa.

1 SAMUEL 26:18

Nampa nakana pole, “Angngapa natuli kiondangija atanta karaeng? Apa kutadeng kasalanna atanta?

1 SAMUEL 24:17

Nampa nakanamo ri Daud, “Ikau annaba, na inakke sala.

1 SAMUEL 19:1

Napaui Saul mae ri ana'na Yonatan, siagang sikontu pagawena angkana eroki nabuno Daud. Mingka Yonatan sanna' nasayanna Daud.

PAMMUJI 140:2

Kilappassanga' battu ri tau ja'dalaka, o, Batara, Kijagaia' battu ri tau anggaukangai katerassanga.

PANGNGEBARANG 24:15

Teako sangkammai tau ja'dalaka, assikongkoloki untu' angngellaki tau lambusuka siagang anrampasaki balla'na.