PAMMUJI 59:11 - KITTA' MATANGKASA'

¹¹ Lanri kabajikanNa Nabattu Allata'alaku mae ri nakke, Nalappassanga' anciniki musungku nibeta.

PAMMUJI 59:11 Referans Kwoze

PAMMUJI 3:3

Jaimi tau mangkana taerokai Allata'ala antulunga'.

PAPPICINI' 9:6

Limambulangi sallona nausahai ke'nanga ero' mate, mingka takkulleai mate ke'nanga; eroki ke'nanga mate, mingka bellai kamateanga battu ri ke'nanga.

LUKAS 21:21

Anjo wattua, tau niaka ri pa'rasangang Yudea musti lari nai' ri buluka. Tau niaka lalang ri kotaya musti nabokoi kotaya, siagang tau niaka ri pantaranganna kotaya tea' laloi antamakki ri kotaya.

PAMMUJI 52:5

Ikau la'bi nungaiangngangi kaja'dallanga na kabajikanga, nungaiangngangi a'balle-ballea nakkana tojenga.

AYUB 40:12

Iyo, ciniki tau borroa, siagang padundui! Licaki tau ja'dalaka ri tampa'na

PAOLE 28:64

LaNapasisa'la'-sa'lakko Batara ri alla'na bansa-bansaya ri sikontu linoa. Anjoreng lanynyombako mae ri rewata-rewata nipareka battu ri batu siagang kayu, rewata-rewata tenaya nanuassengi siagang tenaya todong nanaassengi boe-boenu.

PAOLE 4:27

LaNapasisa'la'-sa'lakko Batara ri alla'na bansa-bansa maraenga siagang sike'de' mami ri kau lammantanga attallasa'.

PAMMUJI 106:27

Turunganna ke'nanga laNapelaki ri alla'na bansa-bansaya siagang laNapasisa'la'-sa'laki ke'nanga ri pa'rasangang maraeng.

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

PAMMUJI 84:9

Kipilangngeri laloi pappala' doangku, o, Karaeng Allata'ala Kaminang Koasaya, Kipilangngeri laloi, o, Allata'alana Yakub.

PAMMUJI 44:11

Kibalang parekangi ikambe lari battu ri musunna ikambe, nampa narampasa' ke'nanga pa'barang-baranganna ikambe.

PAOLE 4:9

Parhatikangi siagang u'rangi baji'-baji', sollanna tena nanukaluppai apa le'baka nucini' kalennu lalang tallasa'nu. Caritai mae ri ana' cucunnu

KAIMANGNGANG 26:33

Lappa'niakKa' pa'bundukang ri pa'rasangannu siagang laKupasimbung-simbungko mae ri pa'rasanganna bansa maraenga. Lammantangi ta'ronang sikamma kokonnu siagang laKulappassangi a'jari loro kota-kotanu.

KATO'BA 9:5

Minang sike'de'na, tau attallasaka naassengi angkana attayangi a'jala'na, nampa tau matea tena apa-apa naasseng. Mae ri ia tena passawallang yareka pa'balasa', siagang nikaluppaimi arenna.

1 SAMUEL 24:5

Mingka le'baki anjo salami nasa'ring kalenna Daud anggaukangi anjo kammaya.

PAMMUJI 118:7

Narurunganga' Batara untu' antulunga', lakuciniki musungku nibeta.