PAMMUJI 59:10 - KITTA' MATANGKASA'

¹⁰ IKattemi kagassingangku, manrannuanga' mae ri Katte, iKatte tampa' palariangku, o, Allata'ala.

PAMMUJI 59:10 Referans Kwoze

1 PETRUS 5:10

Mingka punna le'ba' mako sessa sinampe', KalenNa Allata'ala lampa'jari sukkukko. LaNapaentengko, siagang laNasareko kagassingang kammayatompa laNapakajarrekko. Nasaba' Iami Allata'ala sannaka baji'na pa'mai'Na; Iami le'baka angkiokko untu' angkasia' tongi kala'birang mannannunganga tete ri Almasi.

PAMMUJI 54:7

LaNahukkungi musungku siagang kaja'dallang kalenna ke'nanga, laNapossoki ke'nanga lanri tamamminrayai mae ri nakke.

PAMMUJI 59:17

Mingka inakke akkelonga' ri passala'na kagassinganTa; bari'-bari'basaka' akkelong lompo sa'rangku ri passala'na pangngamaseanTa siagang tamamminraTa. Saba' iKattemi tampa' palariangku, tampa' pa'la'langangku ri wattungku susa.

PAMMUJI 21:3

Kipa'jariammi apa nakaerokia pa'mai'na, na Kisare apa le'baka napala'.

PAMMUJI 92:11

Kipa'jari kassaka' sanrapang tedong romang liaraka, na Kibarakkakia' siagang kate'neang.

PAMMUJI 54:5

Saba' bansa maraenga ambangummi ero' ambundukia', eroki tau tampoa ambunoa', tena najampangi ke'nanga Allata'ala.

2 KORINTUS 1:3

Nipujimi Allata'ala, ManggeNa Batarata Isa Almasi. Mangge sannaka baji'na pa'mai'Na, Allata'ala assarea panynyaleori mae ri rupataua.

YEREMIA 17:16

Mingka, o Batara, tale'bakaKi' kupassa untu' ampabattui balaya mae ri ke'nanga. Tena todong kuero' sollanna nituju ri kasusaang. Kiassengi anjo, Batara. Kiassengi apa kupaua.

YESAYA 65:24

Tenapa nappala' ke'nanga, naKuppialimo; tenapa nale'ba' ke'nanga appala' doang naKuturukiammo pappala'na ke'nanga.

PAMMUJI 112:8

Tena nalussa' yareka malla', lanri tappaki angkana lanibetai musunna.

PAMMUJI 91:8

Punna accinikko mae ri tammulilinu, nuciniki tau ja'dalaka anggappa pa'balasa'.

PAMMUJI 79:8

TeaKi' hukkungi ikambe lanri dosana boe-boena ikambe. Linta' maKi' kamaseangi ikambe, lanri tappu' minasami ikambe.

PAMMUJI 56:6

Sila'busu' alloi musua angkacoi parkaraku tulusu' usahana ke'nanga ero' ancilakaia'.

PAMMUJI 56:2

Kamaseanga', o, Allata'ala, lanri nibundukia', tulusu' nijallakkanga' ri musu-musungku.

PAMMUJI 5:8

Mingka lanri lompona pangngamaseanTa, kukkulle antama ri Balla' SambayanTa. Kusu'ju mange ri Balla' Sambayang matangkasatTa, nakusombaKi' ri pa'mai' mailalang.

2 SAMUEL 1:17

Le'baki anjo nakelongammi Daud anne kelong karruka lanri Saul siagang Yonatan,

1 TESALONIKA 4:15

Untu' anjo passalaka, iaminne pangngajara'Na Batara, eroka napabattu ikambe mae ri kau ngaseng: Punna battu sallang Isa, ikatte tau attallasaka ija talanipilumbayai tau la'bi rioloa mate.

1 SAMUEL 26:10

Lanri Batara mattallasaka, kuassengi angkanaya sallang KalenNa Batara lambunoi Saul, punna narapi'mo a'jala'na, yareka punna matei lalang bundu'.

PAMMUJI 46:8

Batara Kaminang Makoasa anrurungangki', Allata'alana Yakub anjagaiki'.