PAMMUJI 58:9 - KITTA' MATANGKASA'

⁹ Boli'mi kamma ke'nanga sangkamma biku assolonga sangkamma urusu', sangkamma ana' lolo matea ri tenanapa naccini' singara'.

PAMMUJI 58:9 Referans Kwoze

PANGNGEBARANG 10:25

Punna battu anging lompoa antujui, lanynya'mi tau ja'dalaka; mingka tau lambusuka tuli jarreki satunggu-tungguna.

PAMMUJI 118:12

Sanrapangi cani' ke'nanga angkatulunga'; lanri koasaNa Batara, kubetai ke'nanga. Lalang sipakkida mataji bawang nibuno ke'nanga sanrapang pepe' angkanrei rompo' akkatintinga.

KATO'BA 7:6

Kakkala'na tau toloa tena matu-matunna, rapang sa'ra katinting nakanre pepe'.

YEREMIA 23:19

LarroNa Batara rapangi anging barubu a'jalloka siagang antujui sikamma tau ja'dalaka.

YESAYA 17:13

Majui ke'nanga rapang a'ba sannaka lompona. Mingka Niancangi ke'nanga ri Allata'ala, nampa lari ke'nanga sa'genna bella lampana. Niondangi ke'nanga rapang awang niri'bakang ri anging nai' ri buluka, yareka rapang limbu'bu' nitui' ri anging lompoa.

YESAYA 40:24

Rapangi ke'nanga lamungang lolo, beru accu'laka aka'na. Punna Napatui' Batara anginga, kalotoro'mi ke'nanga na niri'bakang rapang rarame.

PANGNGEBARANG 14:32

Tau ja'dalaka panraki lanri kaja'dallanna, tau bajika nijagai lanri kalambusanna.

PANGNGEBARANG 1:27

Ba, lakucau-cauko punna lussakko siagang sessako lanri nitujuko ri bala ia battua sanrapang anging lompo.

PAMMUJI 55:23

Erangi sikontu ranggaselanu mae ri Batara, Iami lassareko kagassingang; saba' tena Nabalang parekangi tau lambusuka nibeta.

PAMMUJI 10:5

Anjari ngaseng sikontu usahana tu ja'dalaka; tanaassengai yareka tanapahangai hukkunNa Batara na nacini' tuna sikontu balinna.

PAMMUJI 10:2

Tampomi tu ja'dalaka anjallakkangi tu kasi-asia; boli'mi kamma nialle ke'nanga ri sikko' napare' kalenna.

AYUB 27:21

Anging battu raya angngangkaki, siagang ambarrasaki battu ri balla'na.

AYUB 18:18

Battu ri singaraka nibongkai antama' ri sassang; nibongkai battu ri lino katallassang.

PAMMILANGNGANG 16:30

Mingka punna nia' apa-apa Nagaukang Batara, ia tenayapa nale'ba' nulangngere' kajarianna lalang siapaya anne sallona, siagang punna tassungke buttaya untu' angnga'luki ke'nanga siagang sikontu barang-baranna ke'nanga, sa'genna antama' attallasa' ke'nanga antama' ri linona tau matea, nuassemmi angkanaya anjo taua angngewai mae ri Batara.”

AYUB 3:16

Angngapa natena memang natappu' nyawaku ri wattungku nilassukang sollanna nyamang siagang sannang tinroku?