PAMMUJI 58:6 - KITTA' MATANGKASA'

⁶ tenaya nalangngereki sa'ranna tumangngajara' cara'de'na, yareka sa'ranna sanro cara'deka.

PAMMUJI 58:6 Referans Kwoze

PAMMUJI 3:7

Tamallakka' ri musu assa'bua makkuliling ri nakke battu ri kemae-kemae.

MIKHA 5:8

Israel lanabetai musu-musunna kammayatompa naancuru' kabusuki ke'nanga.

HOSEA 5:14

Rapang singa a'bakkaya, kammami anjo bateKu lambakkai tu Israel siagang tu Yehuda. KalengKu langkae-kaei ke'nanga, nampa Kubokoi. Punna Kure'resang ke'nanga a'lampa, tena manna sitau akkulle allappassangi ke'nanga.

PAMMUJI 17:12

Sanrapangi singa ke'nanga eroka angkokkoki musunna singa rungka angngadanga ri tampa' taccokkoa.

PAMMUJI 10:15

Kitepoki kakoasanna tu ja'dalaka siagang tu dorakaya; hukkungi ke'nanga lanri panggaukanna sa'genna jarra ke'nanga.

AYUB 29:17

Mingka kutepoki koasana tau pallaka, na kupasalama' tau eroka napa'jari koro'banna.

YESAYA 31:4

Nakana Batara ri nakke, “Rapang singa ammoppoka eroka anjagai apa eroka nakanre, natakkullea nipakamalla' ri sa'ra lompo yareka sa'ra ammarrang battua ri siapa are jaina pakalawaki eroka angngewai, kamma tomminjo la'bundukKa' ero' ampartahangkangi Bulu' Sion.

PAMMUJI 91:13

Lanudakkai ularaka siagang singaya, langngonjokko singa rungka siagang ulara' a'racung.

PAMMILANGNGANG 23:24

Ambangungi anjo bansaya rapang singa gana, nampa ammenteng kassa' rapang singa laki. Tanra'bayai punna tenapa nakanrei musunna siagang tanainunga cera'na koro'bang le'baka nakokko'.”

AYUB 41:14

Inai akkulle ansungkei moncong kassa'na, niaka lalang gigi-giginna sannaka heba'na?

KATO'BA 10:11

Punna angngokko' riolo ularaka ri tenanapa nipannabai ri tau cara'deka, anjo sanrona tenamo matu-matunna.

YEREMIA 8:17

Nakana Batara, “Parhatikangi! Kamma-kamma anne appabattuA' ulara'-ulara' antama' ri tangnga-tangnganu untu' ampittokko, iamintu ulara' a'racunga tenaya nakkulle nipitabai baca-baca.”