PAMMUJI 56:5 - KITTA' MATANGKASA'

⁵ Mammujia' ri Allata'ala lanri apa le'baka Napa'janjiang; tappaka' ri Ia, jari tena kumalla', tena pakkullena rupataua mae ri nakke.

PAMMUJI 56:5 Referans Kwoze

LUKAS 11:54

Nalalang kammana anjo napilangngeri baji'-baji'mi ke'nanga sollanna akkulle najakkala' kananNa Isa punna sala bicarai.

MATIUS 22:15

Le'baki anjo a'lampami tu Farisia sipa'bicara; eroki ke'nanga a'boya pakkuta'nang sollanna akkulle nakuta'nang Isa nasala pappialinNa.

PAMMUJI 41:7

Sikamma tau battua antoaka' tena natulusu' pa'mai'na. Napa'rappungamma' ke'nanga kabara' kodi, nampa napa'la'bang kemae-kemae.

2 PETRUS 3:16

Anjo passalaka tuli napauna Paulus lalang ri sikamma sura' natulisika. Memang, nia' siapa are passala' anjo napaua lalang ri sura'na sukkara' nipahang. Na anjo tau tenaya napahangi siagang tenaya najarre' tappa'na, naputara' bale'mi anjo apa natulisika Paulus. Anjo ri kammaya tena niparallu lannasa'. Lanri kamma tomminjo panggaukanna ke'nanga mae ri bageang maraengannaya bonena Kittaka. Anjo panggaukang kammaya poro kapanrakang bawang wassele'na mae ri kalenna ke'nanga.

1 SAMUEL 18:21

Napikkiriki angkana, “Baji'mi nakupappirarang Mikhal mae ri Daud, sollanna naalle sikko' Daud, nampa akkulle nibuno ri tu Filistin.” Jari untu' makapinruanna Saul nakanamo ri Daud, “Kamma-kamma anne akkulle mako a'jari mintungku.”

YOHANES 2:19

Appialimi Isa Nakana, “Allemi runtung anne Ballaka, na nampa Kupabangung poleang lalanna tallungalloa.”

1 SAMUEL 18:17

Nausahakammi Saul sollanna akkulle nibuno ri tu Filistin lalang ri pa'bundukanga, sollanna teai kalenna ambunoi. Jari ri se'reang allo nakanamo Saul ri Daud, “Merab ana' tulolongku kaminang toaya lakupasiallei siagang ikau, assala' nupappicinikang kabaraniannu lalang ri pa'bundukanga untu' Batara.”

MATIUS 26:61

“Anne taua le'baki angkana, ‘Akkullei Kurumbang anne Balla'Na Allata'ala, nampa Kupabangung poleang ri makatalluna alloa.’ ”

YEREMIA 18:18

Nakana taua, “Umba kissikongkolo' angngewai Yeremia. Tena naiaja bawang akkulle a'bicara untu' Allata'ala. Tuli lania'na imang akkulle assare pangngajarang, nia' tucara'de' akkulle assare pappakainga'; siagang nia' na'bi akkulle ampabattui mae ri katte sikamma pasang battua ri Allata'ala. Umba nanituntuki ri pangadelanga nampa tenamo nanilangngereki kana-kananna.”

1 SAMUEL 18:29

Jari pila' malla'mi mae ri Daud, na nakabirisi lalang sikontu tallasa'na.

1 SAMUEL 20:33

Nalangngere'na anjo napasambilami pokena Saul mange ri Yonatan, ero' nabuno. Jari naassemmi Yonatan angkanaya memang ma'nassa ero' tojengi manggena ambunoi Daud.

1 SAMUEL 20:7

Punna nakana karaenga, ‘Baji'mi,’ laamammi kusa'ring. Mingka punna larroi, assemmi angkanaya le'ba'mi napattantu ma'nassa erokka' nacilakai.

1 KARAENG-KARAENG 18:2

Jari a'lampami Elia. Anjo wattua teaimi sipato' sanna'na nataba bala kacipurang taua ri Samaria.

PAMMUJI 49:6

Tena kumalla' ri wattu kasukkarranga, ri wattungku nikatulung ri musu ja'dalaka.

PAMMUJI 118:6

Tena kumalla' lanri Narurunganga' Batara, tena pakkullena rupataua mae ri nakke.