PAMMUJI 56:12 - KITTA' MATANGKASA'

¹² Tappaka' ri Ia, jari tena kumalla', tena pakkullena rupataua mae ri nakke.

PAMMUJI 56:12 Referans Kwoze

PAMMUJI 50:14

Assare mako koro'bang sukkuru' mae ri Allata'ala, rupai janjinnu mae ri Kaminang Tinggia.

PAMMUJI 119:106

Kupa'janjianga siagang sumpa lakurupai, untu' anna'gala' ri kaputusang adeletTa.

PAMMUJI 76:11

Manna tau sannaka palla'na mammuji todong ri Katte, siagang tau larroaija ammake kaeng karung tanra susana.

PAMMUJI 21:13

Lanapabuccuki ana' panana, sa'genna a'boko lari ke'nanga.

1 SAMUEL 1:11

Nampa a'janji Hana angkana, “O Batara Kaminang Koasaya, Kiparhatikangi anne atanTa! Kiciniki kapa'risanna atanTa. Kiu'rangi siagang teaKi' kaluppai atanTa! Punna Kisare atanTa sitau ana' bura'ne, a'janji atanTa lanapassareang anjo anaka mae ri Katte lalang sikontu tallasa'na. A'janji tongi atanTa angkanaya talanipolongai uu'na.”

YESAYA 12:1

Lania' sallang se're wattu nukkelong: “O, Batara, appala' sukkurukka' mae ri Katte lanri Kisaleoringku. Riolo larroKi' mae ri nakke, mingka kamma-kamma anne ammarimi larroTa.

PAMMUJI 118:6

Tena kumalla' lanri Narurunganga' Batara, tena pakkullena rupataua mae ri nakke.