PAMMUJI 56:1 - KITTA' MATANGKASA'

¹ Untu' pamimping pakelong. Situru' lagu: Bodobangkeng pepea, battu ri daera bella. Pammujina Daud ri wattunna nijakkala' ri tu Filistin ri daera Gat.

PAMMUJI 56:1 Referans Kwoze

1 SAMUEL 29:4

Mingka larromi anjo sikamma panglimana tu Filistin mae ri Akhis na nakana ri ia, “Suroi anjo taua ammotere' mange ri kota le'baka nusareangi. Takkulleai amminawang a'bundu' siagang ikatte. Gassingka naalle battu ri bokojaki' lalang ri pa'bundukanga. Sai iaminne kasampatang sannaka baji'na ri ia untu' angngallei pa'mai'na karaenna punna nabuno ana' buata?

PAMMUJI 59:1

Untu' pamimping pakelong. Situru' lagu: TeaKi' papossoki. Pammujina Daud, ri wattunna nasuro Saul taua anjannangngi balla'na untu' ambunoi.

PAMMUJI 31:9

Tena Kibalang parekanga' nitahang ri musua, mingka Kipa'jaria' laloasa a'jappa.

PAMMUJI 16:1

Pammujina Daud. Jagaia', o, Allata'ala, saba' iKattemi kupa'la'langi.

PAMMUJI 60:1

Untu' pamimping pakelong. Situru' lagu: Bunga bakung kasa'biang. Kelong pangngajara' battu ri Daud,

PAMMUJI 27:2

Punna nibakkaia' ri tu ja'dala' eroka ambunoa', ke'nanga latatto'ro na tu'guru'.

1 KORINTUS 15:54

Punna nisambeimo tubu akkullea mate siagang tubu tenaya nakkulle mate, siagang anne tubu battua ri lino nisambeimi siagang tubu battua ri suruga, anjo wattua nampami kajariang apa niaka tattulisi' lalang ri Kittaka angkanaya, “Le'ba'mi nipattaena kamateanga; nigappami ammetaya!”

HOSEA 8:8

Rapang uring reppeka, kammami anjo tu Israel tenamo anggaranna, siagang a'jarimi bansa biasa sangkamma bansa-bansa maraenga.

PIRAUNG 2:16

Sikontu musunnu birisi' kabusu' ancinikiko, nabebeiko siagang nakakkaliko ke'nanga. Nakana ke'nanga, “Anjo kotaya le'ba'mi niputta ri kambe! Kale'bakkanna narapi'mi anjo wattu salloamo nitayang!”

PIRAUNG 2:5

A'jarimi rapang musu Batara; Natunrungi Israel sa'genna runtung. Naancuru' sikontu pattahangnganga siagang balla' karaenga, na pila' Natambai susana pandudu' niaka ri Yehuda.

PIRAUNG 2:2

Sikontu parang ruku' ri pa'rasangang Yehuda, Naancuru' tamammaling-maling. Narappasaki napakamma larro sa'genna runtung sikamma pattahanganna angkallikai anjo pa'rasanganga. Anjo kakaraenganga na sikamma pamimpinna Naruntummi sa'genna nipakatuna.

PANGNGEBARANG 1:12

Kamma-kamma anne sannangi nyawana siagang sehaki tubuna ke'nanga, mingka sallang la'jari sangkammai tau sitangnga mate ke'nanga.

PAMMUJI 143:12

Lanri pangngamaseanTa Kitumpasaki sikontu musungku, kiancuruki sikontu tau anjallakkangia', saba' inakke atanTa'.

PAMMUJI 136:15

Mingka karaeng Mesir siagang tantarana natallangngangi; pangngamaseanNa sa'genna satunggu-tungguna.

PAMMUJI 136:10

Nabunoi sikontu ana' bungasa'na tu Mesir; pangngamaseanNa sa'genna satunggu-tungguna.

PAMMUJI 124:3

le'ba' maki' naa'lu' attallasa', lanri allumpana larrona ke'nanga.

PAMMUJI 58:1

Untu' pamimping pakelong. Situru' lagu: TeaKi' papossoki. Pammujina Daud.

PAMMUJI 35:25

TeaKi' lappassangngi ke'nanga angkana ri pa'mai'na, “Sukkuru' maki', kale'ba'mi nipattaena nyawana. A'jarimi pattujunta!”

PAMMUJI 21:9

LaNajakkala' ngasengi sikontu musunna, laNaallei sikamma tu mangngabirissia ri KalenNa.

PAMMUJI 106:17

Nampa ta'bage ruamo buttaya angnga'luki Datan, antongkoki Abiram siagang kaluargana.

PAMMUJI 59:10

IKattemi kagassingangku, manrannuanga' mae ri Katte, iKatte tampa' palariangku, o, Allata'ala.