PAMMUJI 55:23 - KITTA' MATANGKASA'

²³ Erangi sikontu ranggaselanu mae ri Batara, Iami lassareko kagassingang; saba' tena Nabalang parekangi tau lambusuka nibeta.

PAMMUJI 55:23 Referans Kwoze

PANGNGEBARANG 10:27

Pakalompoi Batara, nanusallo lattallasa'; tau ja'dalaka mate taria'jala'nai.

PAMMUJI 5:6

TaKitahangngai anciniki tau tampoa, Kikabirisi tau ma'gau' ja'dalaka.

AYUB 15:32

Tenapa narapiki wattunna, nalamatemo, sanrapangi tangke kayu tenayamo nakkulle lamoncongbulo poleang.

YESAYA 38:17

Pacceku tappinrai a'jari kasannangang, iKatte ampasalamaka' battu ri bahayaya; Kipammopporangi sikamma dosa-dosaku.

KATO'BA 7:17

Tea tongko ja'dala' dudui siagang teako dongo' dudui. Untu' apa matea punna tanarapikapa wattunna?

PAMMUJI 73:18

Kiboliki ke'nanga ri agang laccuka, na Kibalang parekang ke'nanga tu'guru' a'jari posso'.

PANGNGEBARANG 27:20

Ri linona tau matea, tuli nia' tampa'; kamma tomminjo kaerokanna rupa taua tena sanggana.

PANGNGEBARANG 15:11

Naassengi Batara linona tau matea siagang lampa-lampana; antekamma batena lakkulle nicokko pikkiranna taua mae ri Ia?

PAMMUJI 58:9

Boli'mi kamma ke'nanga sangkamma biku assolonga sangkamma urusu', sangkamma ana' lolo matea ri tenanapa naccini' singara'.

PAMMUJI 25:2

o, Allata'alaku, matappaka' ri Katte! TeaKi' lappassangia' nipakasiri', na nigorai ri musu-musungku.

2 SAMUEL 3:27

Tena nasallo battuna Abner mange ri Hebron, nikio'mi ri Yoab mae ri sa'ri, mae ri ampi'na pakke'bu' lompoa, sangkamma angkanaya nia' rahasia lanabicara. Ti'ring natobo'mi Yoab parru'na Abner sa'genna mate. Kammaminjo namatemo Abner nibuno ri Yoab untu' ambalasaki pammunoanna Abner ri andi'na Yoab iamintu Asael.

PAMMUJI 66:9

Najagaimi ikambe sollanna tulusu' attallasa' ikambe, siagang tena nabalang parekangi tu'guru' ikambe.

PAMMUJI 112:6

Tau bajika tena nalanipassalasa; tuli laniu'rangi satunggu-tungguna.

PAMMUJI 121:3

Tena nalaNabalang parekangko tu'guru', tuli Najagaiko pajaganu.