PAMMUJI 55:20 - KITTA' MATANGKASA'

²⁰ Allata'ala ammarentai battu ri satunggu-tungguna laNapilangngeria' siagang Nabetai ke'nanga. Saba' taerokai ke'nanga toba', siagang tamallakkai mae ri Allata'ala.

PAMMUJI 55:20 Referans Kwoze

LAMPA-LAMPANA 12:1

Iatommi anjo wattua nappakkaramulamo Karaeng Herodes anjallakkangi anggota-anggota jama'aka.

PAMMUJI 89:34

Mingka tuli laKukamaseanna Daud, talaKukaluppaiyai nyawa tamamminraKu.

PAMMUJI 7:4

O, Batara Allata'alaku, ebara' kodi sipaka', a'gau' ja'dala' ri belaku, yareka kupakarugi natena saba'na, ebara' kammai panggaukangku,

PAMMUJI 109:5

Nabalasaki ke'nanga kabajikangku siagang kaja'dallang, pangngamaseangku siagang kabirisang.

KATO'BA 8:2

Mannurukiko punna nasareko parenta karaenga, teako sambarangngi a'janji mae ri Allata'ala.

PAMMUJI 89:38

Tuli lania'na kakaraenganna sanrapang bulang, iami sa'bi tamamminra rate ri rammanga.”

PAMMUJI 89:28

Ia laKupa'jari ana' bura'ne toaKu, kaminang malompoa ri sikontu karaenga.

2 SAMUEL 18:12

Mingka appialimi anjo taua angkana, “Manna pole nisarea' 1.000 doe' pera' talaerokka' ampa'risi ana' bura'nena karaenga. Nalangngere' kabusuki ikambe apa naparentakanga karaenga mae ri katte siagang mae ri Abisai na Itai, sollanna tena naniapa-apai anjo Absalom lanri karaenga.

2 SAMUEL 5:3

Appare'mi parjanjiang Daud siagang anjo pamimping-pamimpinna tu Israel, nampa nilanti' ri ke'nanga a'jari karaeng mae ri Israel.

2 SAMUEL 2:4

Nampa battumo tu Yehuda mange ri Hebron, na nalanti' Daud a'jari karaeng mae ri tu Yehuda. Nalangngere'na Daud angkanaya le'ba'mi nitarawang maya'na Saul ri tu Yabesh ri Gilead,

1 SAMUEL 24:10

Kamma-kamma anne kalenta angkasiaki angkanaya ilalang ri kali'bonga sumpaeng, Napassareammi Batara kalenta mae ri atanta. Nia'mo tau anynyonyoka' sollanna kubunoki', mingka tena nakuero'. Appiali atanta angkanaya taerokai atanta ampa'risi karaenna atanta le'baka Napile Batara.

1 SAMUEL 22:17

Nampa naparentakammo mae ri sikamma pangawala'na niaka ammenteng ri ampi'na, nakana, “Buno ngasengi anjo imang-imanNa Batara! Assikongkolo'mi ke'nanga siagang Daud. Naassengi ke'nanga angkanaya lari Daud battu ri nakke, mingka tena naero' ke'nanga ampauanga'.” Mingka taerokai anjo sikamma pangawalaka ambunoi anjo imang-imanNa Batara.

2 KARAENG-KARAENG 17:34

Sa'genna anne alloa tuli nagaukanna ke'nanga ada' kabiasanna ke'nanga. Tena nanynyomba ke'nanga ri Batara siagang tena todong naturuki hukkung-hukkunNa siagang parenta-parentaNa Napassareanga mae ri jari-jarina Yakub, Naarenga todong Israel.

PAMMUJI 6:10

Napilangngeri Batara pappalakku na natarima sambayangku.

PAMMUJI 93:2

Kassaki empoanTa battu ri uru-uruna, battu ri satunggu-tungguta nia' memangKi'.

YEREMIA 5:3

Sikontutojenna ia Natuntuka Batara iamintu pa'mai' tamamminraya. Natunrungko Batara, mingka tena nujampangi. Nalicakko, mingka taerokako niajara'. Kapala batuko, siagang taerokako toba' battu ri dosa-dosanu.