2 O, Allata'ala, Kipilangngeri pappala' doangku, teaKi' allei rupanTa battu ri pappalakku.
Sa'rangku pila' ca'dimi na pila' lamma, rapang jangang-jangang bodobangkeng akkunrareng. Mangngammi matangku acconga nai' ri langi', Batara, Kilappassanga' battu ri anne kasusaanga.
Mingka Napilangngerima' Allata'ala, Naparhatikammi pappala' doangku.
Ri wattungku kasukkarrang appala' doanga' mae ri Batara; sila'busu' bangngi tena kulanre ampatarai limangku, mingka taerokai nisaleori pa'maikku.
Untu' pamimping pakelong. Pammujina Daud.
Mallaki siagang si'nai pa'mai'na ikambe; a'boyai kaadelang ikambe, mingka tena; a'minasai ikambe ri kasalamakkang, mingka sia-siaji.
IKattemi Allata'ala, pa'la'langangku; angngapa Kibokoia? Angngapa kumusti tulusu' pa'risi' lanri nijallakkang ri musu-musungku?
A'nanai bokka'-bokkakku siagang a'rasa bottoki, lanri dongo'na panggaukangku.
Lalang tenanapa kumangakui dosaku, ta'ronangi pakkasiakku lanri akkunrarenga' sila'busu' allo.
Pappala' doanna Daud. Kipilangngeri pakkiokku appala' kaadelang, Kiparhatikangi pappala' doang ati maci'nongku, o, Batara.
Kupala' dudui gassingka Kitongkoki tolinTa mae ri pappalakku sollanna Kitulunga'. NaKipilangngerimo pappalakku, siagang battu maKi' a'reppese'; Kikana, ‘Teako mallakki.’