PAMMUJI 54:1 - KITTA' MATANGKASA'

¹ Untu' pamimping pakelong. Nirurungang ri kacapi. Kelong pangngajara'na Daud,

PAMMUJI 54:1 Referans Kwoze

1 SAMUEL 26:1

Ri se'reang allo, nia'mo siapa are tau battu ri Zif battu mange ri Saul ri Gibea na napauang angkanaya niaki Daud accokko ri Moncong Hakhila ri birinna parang lompona Yehuda.

PAMMUJI 20:1

Untu' pamimping pakelong. Pammujina Daud.

LAMPA-LAMPANA 4:12

Lalang bawang ri Isa nakkulle nipasalama' rupataua. Nasaba' ri sikontu anne linoa, tenanniakka se're tau le'ba' nisare koasa ri Allata'ala untu' ampasalamakki', pantaranganna Isa Almasi.”

PANGNGEBARANG 18:10

Anjo Batara sanrapangi menara kassaka; Iami namangei tau lambusuka nanggappa tampa' amang.

PAMMUJI 79:9

Kitulung laloi ikambe o, Allata'ala, Tumappasalama'na ikambe, Kipammopporangi dosa-dosana ikambe siagang Kilappassangi ikambe untu' kalompoang kalenTa.

PAMMUJI 48:10

Lalang ri BallatTa, nanawa-nawai ikambe pangngamaseanTa, o, Allata'ala.

MATIUS 1:21

Lammanaki sallang Maria sitau ana' bura'ne. Na anjo anaka musti nuarengi sallang Isa, nasaba' Iami sallang lampasalamaki umma'Na battu ri kapanrakanga.”

YESAYA 30:27

KakoasanNa siagang kala'biranNa Batara niciniki battu bella. Pepeka siagang umbuna ampa'nassai kalarroanNa. A'bicarai siagang ke'nanga, siagang kana-kananNa attunui rapang pepe'.

MATIUS 1:23

“Nia' sallang se're tulolo latianang siagang allassukang sitau ana' bura'ne. Anjo anaka lanigallaraki Imanuel.” (Imanuel iamintu bicara tu Ibrani, battuanna “Niaki Allata'ala anrurungangki'”.)

YEREMIA 50:34

Mingka iNakke kassa', ampasalamaki ke'nanga; arengKu iamintu Batara Kaminang Koasaya. INakke KalengKu langngusahakangi parkarana ke'nanga siagang langngerang kaamangngang mae ri linoa. Mingka mae ri Babel lappabattuA' karicuang siagang kamallakkang.”

PAMMUJI 26:1

Pammujina Daud. Kisarea' kaadelang, o, Batara, saba' lambusu' pa'maika' lalang tallasakku. Manrannuanga' mae ri Batara, Tena kuranggasela manna sike'de'.

2 PATTOTTORANG 20:6

siagang assa'ra lompomi appala' doang angkana, “O Batara, Allata'alana boe-boena ikambe! IKatte Allata'ala ri suruga siagang ammarentaya mae ri sikontu bansa niaka ri tompo'na buttaya. IKatteji bawang makoasa siagang makassa'; tena manna sitau akkulle angngewaKi'.

KALAPPASSANG 23:21

Parhatikangi siagang musti mannurukiko ri ia. Teako angngewai ri ia, lanri ia suroKu, siagang tena nalanapammopporang kasalannu.

MATIUS 10:21

Nia' sallang wattunna nakajariang nania' tau ampassareangi sari'battanna nasuro buno; yareka tau toa ampassareangi ana'na nasuro buno. Ana'-anaka lanaewai anrong manggena, siagang nasuro bunoi ke'nanga.

PANGNGEBARANG 23:11

Saba', Batara makassaka mangngalleanganga, Iami langngalleangangi ke'nanga lambaliangko.

PAMMUJI 99:4

Ri Kattemi kakoasanga, o, Karaeng mangngaia ri hukkung; iKatte ampaentengi katojenganga; iKatte ampajappai hukkunga siagang kaadelanga ri Israel.