PAMMUJI 53:2 - KITTA' MATANGKASA'

² Tau dongoka nakana lalang ri pa'mai'na, “Tena Allata'ala.” Panggaukanna ke'nanga ja'dalaki siagang rantasaki; tena nia' anggaukangi bajika.

PAMMUJI 53:2 Referans Kwoze

YESAYA 55:6

Ammotere' mako mae ri Batara lalang akkullena ija; akkio' mako mae ri Ia lalang a'reppese'Na.

2 PATTOTTORANG 15:2

sa'genna a'lampa mange assicini' siagang Karaeng Asa, nampa nakana, “He Karaeng Asa, siagang ikau ngaseng sikontu pandudu' Yehuda siagang Benyamin! Pilangngeri anne! A'reppeseki Batara punna a'reppesekko mae ri Ia. Punna appalakko pangngunju' ri Batara, laNasareko. Mingka punna tena numanjampangi ri Ia, tena todong nalaNajampangiko.

PAMMUJI 111:10

Inai ero' cara'de' musti napakalompoi Batara, Nasarei pammahang sikontu tau mannurukia. Nipujimi Batara satunggu-tungguna!

YEREMIA 23:24

Tena manna sitau akkulle ancokkoi kalenna battu ri paccinikKu, nasaba' niakKa' ri kere-keremae, ri suruga siagang ri lino.

PAMMUJI 27:8

Kikana, “Battuko mae anynyomba ri Nakke.” Appialima' kukana, “Lintakka' battu, o, Batara;

2 PATTOTTORANG 19:3

Mingka manna nakamma nia' tongija apa baji' ri kalenta. Le'ba'mi Kipakabella sikontu patunna Dewi Asyera nasombaya ra'yaka siagang kiusahakang tommi anggaukangi ero'Na Allata'ala lalang tallasatta.”

YEREMIA 16:17

Kuciniki sikontu apa nagaukanga ke'nanga. Tena nia' kacokkoang mae ri Nakke; Kucini' ngaseng tommi dosa-dosana ke'nanga.

PAMMUJI 102:19

Tulisi' ngasengi sikontu panggaukanNa Batara untu' turungang labattua sallang, sollanna bansa tenayapa nilassukangi akkullei mammuji mae ri Ia.

PAMMUJI 11:4

Batara niaki ri Balla' matangkasa'Na, empoang kala'biranNa niaki ri suruga. Najannangngi umma' rupataua na Naasseng sikontu panggaukanna ke'nanga.

PAMMUJI 10:4

Tu dorakaya tanajampangiai Batara, lanri tampona nanakana tena Allata'ala.

AYUB 28:28

Nakana Allata'ala ri rupataua, ‘Punna ero' nugappa kacara'dekanga, musti nupakalompoi Allata'ala. Punna erokko ammahang, musti nupakabellai kaja'dallanga.’ ”

1 PATTOTTORANG 28:9

Nampa nakana Daud mae ri Salomo, “Anakku, parallui nuakui Allata'ala nasombaya manggenu, salaku Allata'alanu. Musti anynyombako mae ri Ia situlusu'na atinnu. Nasaba' Naasseng ngasengi sikontu pikkiranta siagang apa nakaerokia atinta. Punna nuboyai, lanubuntuluki, mingka punna nubokoi, laNasorongbokoko sa'genna satunggu-tungguna.

PAOLE 4:6

Majarrekko anggaukangi anjo kammaya. Punna nugaukang anjo kammaya, a'nyatami kacara'dekannu mae ri bansa-bansa maraenga. Punna nalangngereki ke'nanga ri passala'na anjo sikamma hukkunga, lanakana ke'nanga, ‘Teai sipato' cara'de'na siagang taranna ota'na anjo bansa lompoa!’