PAMMUJI 50:4 - KITTA' MATANGKASA'

⁴ Nakioki langika siagang buttaya untu' ansa'bi Naadeli umma'Na.

PAMMUJI 50:4 Referans Kwoze

YESAYA 1:2

Pilangngeri he langika, parhatikangi he buttaya! Nakana Batara, “Ana'-ana' le'baka Kuparakai angngewai ri Nakke.

PAOLE 32:1

“Mappilangngeriko, e, langika, erokka' anne a'bicara, e, buttaya, tannangi tolinnu!

PAOLE 31:28

Kamma-kamma anne, suroi sikontu pamimpinna bansaya siagang komandanna tantaraya asse're ri dallekangku, sollanna akkulle kupabattu anne sikamma passalaka mae ri ke'nanga. Kukioki langika siagang buttaya salaku sa'bi mae ri ke'nanga.

PAOLE 4:26

Tapporo langika siagang linoa a'jari sa'bi anne alloa angkanaya punna tena numannuruki mae ri nakke, tasalloami nu'lanynya' battu ri butta nupammantangngia ri ba'leanna anjo Binanga Yordan. Tasalloako lammantang anjoreng, lanri laniancuru' taba sikaliko.

PAOLE 30:19

Kamma-kamma anne akkullei nupilei kalase'renna iamintu attallasaka yareka matea, barakka' yareka pattunraNa Batara. Kukioki langika siagang buttaya untu' a'jari sa'bi mae ri kaputusannu. Pileimi attallasaka.

PAMMUJI 98:9

Saba' battui untu' angngadeli linoa; bansa-bansaya laNaadeli siagang adele' na tojeng.

PAMMUJI 96:13

Saba' Batara battu ammarenta ri lino, laNaadeli bansa-bansaya siagang adele' na lambusu'.

PAMMUJI 50:6

Langika angkabarrangi angkanaya Naadeli Allata'ala umma'Na, angkana KalenNa Allata'ala hakinna.

PAOLE 4:36

Battu rate ri langika Napappilangngerang sa'ranNa mae ri kau untu' angngajarakko; ri anne linoa Napappicinikammi mae ri kau pepe' malompoNa, siagang battu lalangi ri anjo pepeka a'bicara mae ri kau.

YEREMIA 2:9

Nakana Batara, “Kamma-kamma anne Kukara-karai pole ummakKu, naKuadeli jari-jarina.