PAMMUJI 5:4 - KITTA' MATANGKASA'

⁴ Saba' ri Kattema' appala' doang, o Batara, Kipilangngeri pakkiokku ri wattu bari'basa'na. Bari'basa' nakuerang passareku nakutayang pappialinTa, o Batara.

PAMMUJI 5:4 Referans Kwoze

PAMMUJI 11:5

Naso'ri Batara tu bajika siagang tu ja'dalaka, Nakabirisi tu nangaia katerassanga.

IBRANI 12:14

Usahako sollannu assiama' siagang yangasenna taua lalang katallassannu; kammayatompa usahako sollannu a'jari tangkasa' ri dallekanNa Batara. Nasaba' punna takammaya anjo tena manna sitau akkulle anciniki Batara.

MALEAKHI 2:17

Nupakalanrei Allata'ala lanri bicarannu. Mingka akkuta'nangko angkana, “Antekamma batena ikambe ampakalanrei Batara?” Iamintu lalang nukanana, “Sikontu tau a'gau' kodia nibilang bajiki ri Batara, siagang mangngellai mae ri ke'nanga.” Yareka akkuta'nangko angkana, “Kemae anjo Allata'ala nikanaya adele'?”

PAMMUJI 140:13

Kuassengi angkana iKatte assarei kaadelang tau nijallakkanga, siagang ampattojengi parkarana tu kasi-asia.

PAMMUJI 50:21

Iaminjo nugaukang, mingka a'merekijA' bawang, jari nupikkiri'mi angkana sangkammA' ikau. Mingka kamma-kamma anne Kucallako, na yangasenna anjo Kupa'nyatai mae ri kau.

PAPPICINI' 21:27

Mingka tau anggaukangai apa appakaringi'-ringika, tau a'balle-ballea, bodona kana, sikontu apa-apa ra'masaka tena sikali nakkulle antama' anjoreng. Ia lanipa'biang antama' iamintu tau niaka bawang tattulisi' arenna lalang ri kitta'Na anjo Ana' Gimbalaka, iamintu Kitta'na Tau Attallasaka.

HABAKUK 1:13

Mingka antekamma bateTa akkulle attahang anciniki tau ja'dala' palla' kammaya anjo? Sai iKatte sanna' matangkasatTa untu' anciniki kaja'dallanga? Sai iKatte lanreki anciniki gau' tenaya naadele'? Jari, angngapa natena apa-apa Kikana ri wattunna niancuru' tau bajika ri tau dorakaya?

PAMMUJI 92:15

poko' tuli a'rappoa ri wattu toanamo, tuli moncongbulona siagang copponna.

2 PETRUS 3:13

Mingka ikatte nitayammi apa Napa'janjianga Allata'ala, iamintu langi' berua siagang butta berua, niaka kaadelang lalanganna.

PAMMUJI 101:7

Patipua takkulleai ammantang ri ballakku; paballe-ballea talattahangngai ri dallekangku.

PAMMUJI 94:20

Tena Kiagangngangi sikamma haking ja'dalaka, naKipake hukkunga appare' rancana ja'dala'.

PAPPICINI' 21:23

Tena naparallu nasiori mataallo yareka bulang anjo kotaya, lanri nisiorimi ri kala'biranNa Allata'ala, siagang Iaminjo Ana' Gimbalaka a'jari lampunna.

YOHANES 14:23

Appialimi Isa Nakana, “Inai-nai angkamaseangA', lanaturuki ajarangKu. Lanikamaseangi ri ManggeKu. LaniakKa' siagang Manggea battu mae ri ia, ammantang anrurungangi.

1 PATTOTTORANG 29:17

Kuassengi angkanaya Kiso'ri massing-massing atinna taua, siagang Kingai tau tangkasaka atinna. Lalang ati matulusu' siagang sannang nakupassareang yangasenna anne mae ri Katte. Kusa'bimi antekamma batena a'rappungang ummatTa anrinni angngerang passare mae ri Katte situlusu' atinna.

PAMMUJI 63:2

O, Allata'ala, iKattemi Allata'alaku, nakkuka' ri Katte na kuboyaKi', Sanrapang butta kalotoro' nakku' ri je'ne', kammaminjo nakkukku mae ri Katte.

PAMMUJI 88:14

Mingka appalakka' pannulung, o, Batara, bari'-bari'basaka' appanai' pappala' doangang mae ri Katte.