PAMMUJI 49:7 - KITTA' MATANGKASA'

⁷ Anjo ke'nanga kakalumanynyangnganna napattoang, siagang napattampo-tampoang pa'barang-baranganna.

PAMMUJI 49:7 Referans Kwoze

MATIUS 16:26

Nasaba' apa matu-matunna nagappa ngaseng taua anne linoa punna latappela' katallassanna? Maka akkullei anjo katallassanga nipassambe apa-apa maraeng?

MATIUS 25:9

Appialimi anjo tulolo cara'deka angkana, ‘Takkulleai! Nasaba' kala'busang ngasengki' sallang minynya'. A'lampamako ammalli ri ga'dea.’

MATIUS 20:28

Sangkamma minjo Ana' Ma'rupataua; niaki battu teai sollanna nanilayani, passangalinna sollanna na'jari palayang. NaNapassareang nyawaNa, sollanna nakkulle Napasalama' tau jaia.”

1 PETRUS 1:18

Nuassengi apa le'baka nipa'bayarrang untu' kalappassannu battu ri katallassang tenaya matu-matunna nasossoranga boe-boenu mae ri kau. Ia pa'bayara'na teai apa-apa akkullea panra' sangkamma peraka yareka bulaenga,

1 TIMOTIUS 2:6

Le'ba'mi Napassareang KalenNa lalang a'rupa tauNa sollanna akkulle Nalappassang sikontu rupataua battu ri dosa-dosana. Kammami anjo nanapa'nyatamo ri wattunnaya, angkanaya Nakellai Allata'ala sollanna nipasalama' ngaseng sikontu rupataua.

ESTER 5:11

Nampa akkana borromo Haman ri ke'nanga siagang napattampo-tampoammi kakalumanynyangnganna, jaina ana' bura'nena, porena empoang natarimaya battu ri karaenga, kammayatompa bellana tinggina pangka'na napagawe-pagawe maraengannaya.

PANGNGEBARANG 18:11

Mingka tau kalumanynyanga nakana barang-baranna lanjagai kalenna sanrapang tembo' tinggi siagang kassa' ri tammulilina kotaya.

YEREMIA 9:22

Tassiara'mi mayaka ri kere-keremae sanrapang loro irate ri buttaya; rapang gandung le'baka nikatto nampa nibokoi nampa tenamo nanipasse'rei. Iaminjo pasanNa Batara mustia kukabarrang.”

HOSEA 12:9

Nakana ke'nanga, ‘Kamma-kamma anne kalumanynyang maki'. Assawala' maki'. Tena manna sitau akkulle antuduki' angkanaya lanri kajekkonganta nakiakkalumanynyang.’

MARKUS 8:37

Maka akkullei anjo tallasaka nipassambe pa'barang-barangang?