PAMMUJI 47:5 - KITTA' MATANGKASA'

⁵ Napileangki' tana pisaka untu' ikatte, kalompoang pa'mai' ri bansa Nakamaseanga.

PAMMUJI 47:5 Referans Kwoze

PAMMUJI 68:33

Makkelongko mae ri Allata'ala, he sikamma kakaraengang, akkelongko lagu-lagu pammuji mae ri Batara,

1 TESALONIKA 4:16

Punna sallang naung KalenNa Isa battu ri suruga, lakkio' lompoi malaeka' lompoa siagang lanipasa'rai tarompe'Na Allata'ala untu' a'jari pammatei. Nampa nipabangung la'bi riolo tu Karistenga.

1 KORINTUS 15:52

Tanisanna-sannayai nalakajariang silalonna, ri wattunna kala'busang assa'ra tarompeka. Nasaba' ri wattunna assa'ra anjo tarompeka, lanipattallasa' poleammi ammotere' tau matea a'jari tubu mannannungang, siagang lanipinra ngasengki'.

PAMMUJI 150:3

Pujimi siagang sa'ra tarompe', pujimi siagang gambusu' na kacapi!

PAMMUJI 78:65

Jari ambangummi Batara sangkamma tau ambangunga ri tinrona, sanrapang tau gassing ri le'ba'na angnginung anggoro'.

2 SAMUEL 6:15

Kammaminjo batena Daud siagang sikontu ra'ya' Israel ampaletteki anjo Patti Parjanjianga mange ri Yerusalem, nirurungang siagang sa'ra rannu lompo siagang sa'ra tarompe'.

YOSUA 6:5

Nampa anjo sikamma imanga musti natui' la'bu ngasengi tarompe'na. Kamma nulangngere'na ngaseng anjo sa'ra tarompe' la'bua, sikontu tantaraya musti appadai akkio' lompo, nampa laruntung tembo' kalli'na anjo kotaya. Nampa antama' ngaseng memang mako ri anjo kotaya.”

PAMMILANGNGANG 23:21

Tena kaja'dallang nicini' ri kalenna Yakub; tena kasukkarrang nicini' ri tu Israel. Batara, Allata'alana ke'nanga, anrurungangi ke'nanga. Akkio' rannui ke'nanga angkana: Iami Karaeng!

PAPPICINI' 11:15

Nampa napasa'ra tarompe'na malaeka' makatujua; na nia'mo nilangngere' ri suruga sa'ra-sa'ra sannaka lompona, angkanaya, “Kamma-kamma anne nia'mi lalang limanNa Batarata siagang Karaeng Mappasalama' Napa'janjianga kakoasanga untu' ammarenta ri anne linoa, iamintu Karaeng Mappasalama' Napa'janjianga. Lammarentai sa'genna satunggu-tungguna!”

1 TIMOTIUS 3:16

Tena manna sitau akkulle ansassali, antekamma lompona rahasiana agamata, angkanaya: Napa'nyatai KalenNa lalang tubuna rupataua, na nipa'nyata katojenganNa ri RohNa Allata'ala siagang nicini' ri sikamma malaekaka. Nipakkiokkammi birittana mae ri sikamma bansa-bansaya, na nipatappa' ri sikontu linoa siagang niangka' nai' ri suruga.

PAMMUJI 98:6

Pasa'rai musika siagang tarompeka, akkio' rannuko mae ri Batara, Karaenta.

PAMMUJI 81:3

Appasa'rako rabana, appasa'rako kelong, ko'bi' bajiki gambusuka siagang kacapia.

1 PATTOTTORANG 16:42

Heman siagang Yedutun tugasa' tongi untu' tarompeka, simbala', siagang pakkakasa' musi' maraengannaya ia nipakea anrurungangi anjo kelong-kelong pammujia. Anggota-anggotana anjo bija-bijanna Yedutun nisarei tugasa' untu' anjagai sikamma pakke'bu' lompoa.

1 PATTOTTORANG 15:28

Sikontu umma' Israel a'lampa ngasengi anrurungangi anjo Patti Parjanjianga sa'genna ri Yerusalem, ma'rannu-rannu, sa'ra tarompe', napiri, simbala', kammayatompa sa'ra kacapi.

YEHEZKIEL 20:6

Anjo wattua assumpA' angkana laKuerangi ke'nanga assulu' battu ri Mesir mange ri pa'rasangang Kupilea untu' ke'nanga. Anjo pa'rasanganga kalumanynyangi siagang coppongi, butta kaminang bajika ri sikontu linoa.

AMOS 8:7

Batara, Allata'alana Israel, le'baki assumpa angkana, “Tena sikali nalaKukaluppai panggaukang ja'dala'na ke'nanga.

MALEAKHI 2:3

LaKuhukkungi ana'-ana'nu, siagang laKusapui rupannu siagang tai olo'-olo' nukoro'bangkanga, nampa lanire'resangko mange ri pa'gompoanna tai oloka.