PAMMUJI 46:10 - KITTA' MATANGKASA'

¹⁰ Napammari pa'bundukanga ri sikontu linoa, anrong panaya siagang pokea Naancuruki, pa'lapa' a'bundalaka untu' batangkalea Natunui.

PAMMUJI 46:10 Referans Kwoze

PAMMUJI 100:3

U'rangi angkanaya anjo Karaeng Allata'ala. Ia ampa'jariki' siagang Ia ampatangki'; ikatte umma'Na, bansa Naparakaia.

HABAKUK 2:20

Niaki Batara lalang ri Balla'Na matangkasaka; siratangi sikontu taua ri tompo'na buttaya a'mereki ri dallekanNa.

YEHEZKIEL 38:23

Kammami anjo caraKu lampappicinikangi mae ri sikontu bansaya angkanaya iNakke la'birikKa' Kumatangkasa'. Jari lanaassemmi ke'nanga angkanaya iNakkemi Batara.”

ZAKHARIA 2:13

A'mereki ngaseng mako ri dallekanNa Batara! Nasaba' ammentemmi battu ri tampa' pammantanganNa ri suruga.

PAMMUJI 83:18

Boli'mi kamma tuli nipakasiri' siagang malla' ke'nanga, boli'mi kamma mate lalang hina ke'nanga.

YESAYA 2:17

Tau borroa lanipakatunai, siagang tau tampoa lanipadundui. Bataraji bawang nipakalompo.

PAMMUJI 57:5

Nikulilingia' ri musu, sanrapangi ke'nanga singa pakanre tau. Giginna ke'nanga sanrapangi poke siagang ana' pana, lilana ke'nanga sanrapangi pa'dang tarang.

1 PATTOTTORANG 29:11

Malompo tojengKi' siagang makoasaKi'. Mala'birikKi', kabarra-barraKi', siagang ri Kattemi kalompoanga. Sikontu apa-apa niaka ri langi' siagang ri buttaya iKatte ngaseng pata, iKatte Karaeng Lompo, makoasaya mae ri sikontu-kontuna.

PAMMUJI 21:13

Lanapabuccuki ana' panana, sa'genna a'boko lari ke'nanga.

YESAYA 5:16

Mingka Nagaukangi Batara Kaminang Koasaya katojenganga, untu' ampappicinikangi kalompoanNa. Naadeli bansaNa untu' ampappicinikangi katangkassanNa.

KALAPPASSANG 18:11

Kamma-kamma anne kuassemmi angkanaya malompoangngangi Batara na sikontu rewataya, lanri yangasenna anjo Nagaukangi ri wattunna tampo sikali tindakanna tu Mesir mae ri tu Israel.”

YESAYA 2:11

Tau borroa lanipakatunai na tau tampoa lanipa'dundui. Bataraji bawang nipakalompo.

1 KARAENG-KARAENG 18:36

Ri wattunna narapi'mo wattunna assare koro'bang karueng, a'reppese'mi Na'bi Elia mae ri anjo tampa' pakkorobangnganga nampa appala' doang angkana, “O Batara, Allata'ala nasombaya Abraham, Ishak siagang Yakub, Kipa'nyatai kamma-kamma anne angkanaya iKattemi Allata'alana Israel, siagang inakke anne atanTa. Kipa'nyata tongi angkanaya sikontu anne apa kugaukanga lanri parentaTa.

1 SAMUEL 17:46

Anne memang alloa naNapassareangko Batara mae ri nakke. Lakubetako, siagang lakusamballei kallonnu nampa kualle ulunnu. Kalennu siagang kalenna ngaseng tantara Filistin lakupassareangi ri jangang-janganga siagang olo'-oloka sollanna nakanrei. Nampa sikontu linoa lanaassemmi angkanaya ikambe bansa Israel nia' Allata'alata nisomba.

2 KARAENG-KARAENG 19:12

Ri wattunna naancuru' boe-boeku iamintu kota Gozan, Haran, siagang Rezef, kammayatompa nabuno tu Eden niaka ammantang ri Telasar, tena manna se're battu ri rewata-rewatana ke'nanga akkulle ampasalamaki ke'nanga.

YOSUA 11:6

Nakanamo Batara mae ri Yosua, “Teako mallakki mae ri ke'nanga. Ri wattu kamma-kammaya anne ammuko, le'ba' ngasemmi Kubuno ke'nanga lanri tu Israel. Musti nupesoki jaranna ke'nanga, siagang musti nutunui kareta-kareta pa'bundukanna ke'nanga.”

YOSUA 11:9

Nagaukammi Yosua mae ri ke'nanga situru' apa Naparentakanga Batara: napesoki jaranna ke'nanga, siagang natunui kareta-kareta bundu'na ke'nanga.

1 SAMUEL 2:4

Tepo'mi panana turewaya, mingka pila' kassa'mi tau lammaya.

2 KARAENG-KARAENG 6:23

Jari appare'mi karaenga passua'-suarrang lompo untu' ke'nanga. Baku'na anjo wattua ammarimi tu Siria ambunduki pa'rasangang Israel.

PAMMUJI 37:15

Mingka tu ja'dalaka lanicokai ri pa'dang kalenna, lanitepoki anrong panana ke'nanga.

YESAYA 2:4

Ia la'jari haking ri tangnga-tangngana bansa-bansaya, annappuki parkara ri tangnga-tangngana suku-suku bansaya. Lanide'deki pa'danga a'jari pa'jeko, siagang pokea a'jari pa'battasa'. Tenamo nalasibakkai bansa-bansaya, tena tommo natuli sadia ero' a'bundu'.

YEREMIA 49:35

Nakana Batara, “LaKubunoi sikontu tau cara'deka ammake sanjata pana, tau kassa'na Elam.

YEHEZKIEL 30:8

Punna Kutunu Mesir siagang Kubuno kabusu' naaganga sita'gala', naassemmi ke'nanga angkanaya iNakkemi Batara.

YEHEZKIEL 39:3

Anjoreng laKutunrungi anrong panana sa'genna ta'lappasa' battu ri lima kairinna, nampa Kutu'gurang ana'-ana' panana battu ri lima kananna.

MIKHA 4:3

LaNatappuki Batara parkaraya ri tangnga-tangngana bansa-bansaya, ri bansa-bansa kassaka, bellaya siagang ambania. Lanade'deki sikamma pa'danna ke'nanga a'jari pa'jeko siagang sikamma pokena ke'nanga a'jari lading pa'battasa'. Bansa-bansaya tenamo nalasibunduki, tenamo nasadia ero' sibakkai.